Գլուխ 7 · ԱՆՎԱՆ ՓՈԽՄԱՆ ՊԵՏԱԿԱՆ ԳՐԱՆՑՈՒՄԸ
Հոդված 61
Հոդված 61.
Անվան փոխման ակտի գրառման բովանդակությունը
Անվան փոխման ակտի գրառման մեջ լրացվում են հետևյալ տեղեկությունները.
ա) մինչև անվան փոխումը անձի անունը, հայրանունը, ազգանունը, ազգությունը, ծննդյան վայրը և ժամանակը, քաղաքացիությունը, բնակության վայրը.
բ) անվան փոխումից հետո անձի անունը, հայրանունը, ազգանունը.
գ) դիմողի անձը հաստատող փաստաթղթի տվյալները.
դ) անվան փոխման ակտի գրառման ժամանակը, համարը և անվան փոխման պետական գրանցման վայրը (ՔԿԱԳ մարմնի անվանումը).
ե) տրված անվան փոխման վկայականի սերիան և համարը.
զ) անհրաժեշտ այլ տեղեկություններ: