ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
6 նոյեմբերի 2000 թվականի N 730
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2000 ԹՎԱԿԱՆԻ ՄԱՐՏԻ 24-Ի N 130 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության վարչապետի 2000 թվականի մարտի 24-ի «Հայաստանի Հանրապետության արդյունաբերության և առևտրի նախարարության կանոնադրությունը և կենտրոնական ապարատի կառուցվածքը հաստատելու մասին» N 130 որոշման մեջ կատարել հետևյալ փոփոխությունները`
որոշմամբ հաստատված Հայաստանի Հանրապետության արդյունաբերության և առևտրի նախարարության կենտրոնական ապարատի կառուցվածքում «Արտահանման գլխավոր վարչություն», «Գիտատեխնիկական և տեխնոլոգիական զարգացման վարչություն» և «Գիտության վարչություն» տողերը համապատասխանաբար փոխարինել «Արտահանման վարչություն», «Գիտության, գիտատեխնիկական և տեխնոլոգիական զարգացման վարչություն» և «Ինֆորմացիոն տեխնոլոգիաների զարգացման վարչություն» տողերով:
Հայաստանի Հանրապետության
վարչապետ Ա. Մարգարյան