ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
13 հունիսի 2001 թվականի N 434
քաղ. Երևան
ԴՊՐՈՑԱԿԱՆՆԵՐԻ 2001 ԹՎԱԿԱՆԻ ԱՄԱՌԱՅԻՆ ՀԱՆԳԻՍՏԸ ԿԱԶՄԱԿԵՐՊԵԼՈՒ ՄԱՍԻՆ
Զոհված ազատամարտիկների, ծնողազուրկ և սակավ ապահովված բազմազավակ ընտանիքների դպրոցահասակ երեխաների ամառային հանգստի կազմակերպումն ապահովելու նպատակով`
1. Ստեղծել դպրոցականների ամառային հանգստի կազմակերպման միջգերատեսչական հանձնաժողով և հաստատել դրա կազմը (կցվում է):
2. Դպրոցականների ամառային հանգստի կազմակերպման միջգերատեսչական հանձնաժողովին`
ա) կազմակերպել 3000 դպրոցահասակ երեխայի ամառային հանգիստը` 2001 թվականի հուլիսի 1-ից, երկու հերթափոխով, 20-ական օրով.
բ) միջազգային մարդասիրական կազմակերպությունների հետ համատեղ քննության առնել մանկապատանեկան առողջարարական ճամբարներն անհրաժեշտ քանակությամբ և տեսականիով սննդամթերքով ապահովելու հարցը.
գ) մինչև 2001 թվականի հոկտեմբերի 25-ը ամփոփել մանկապատանեկան առողջարարական ճամբարների գործունեության արդյունքները:
3. Հաստատել`
ա) 2001 թվականին մանկապատանեկան առողջարարական ճամբարներում հանգստացող մեկ երեխայի մեկ օրվա ծախսերի հաշվարկը (կցվում է).
բ) մանկապատանեկան առողջարարական ճամբարների վարչատնտեսական, դաստիարակչական, բուժական և սպասարկող անձնակազմերի տիպային հաստիքները (կցվում է).
գ) Հայաստանի Հանրապետությունում 2001 թվականին գործող մանկապատանեկան առողջարարական ճամբարների ցանկը (կցվում է):
4. Մանկապատանեկան առողջարարական ճամբարներ ունեցող Հայաստանի Հանրապետության նախարարություններին և գերատեսչություններին` մանկապատանեկան առողջարարական ճամբարների նախապատրաստական աշխատանքներն ավարտել մինչև 2001 թվականի հունիսի 30-ը:
5. Հայաստանի Հանրապետության մարզպետներին, Երևանի քաղաքապետին, Հայաստանի Հանրապետության կրթության և գիտության նախարարությանը, Հայաստանի Հանրապետության սոցիալական ապահովության նախարարությանը` ճշտել զոհված ազատամարտիկների, ծնողազուրկ և սակավ ապահովված բազմազավակ ընտանիքների դպրոցահասակ երեխաների ցուցակները և դրանք մինչև 2001 թվականի հունիսի 25-ը ներկայացնել Հայաստանի արհեստակցական միությունների կոնֆեդերացիա:
6. Հայաստանի Հանրապետության ֆինանսների և էկոնոմիկայի նախարարությանը`
ա) 5-օրյա ժամկետում Հայաստանի Հանրապետության կառավարություն ներկայացնել առաջարկություն 2001 թվականին 3000 դպրոցահասակ երեխայի ամառային հանգստի կազմակերպման համար անհրաժեշտ լրացուցիչ ֆինանսավորման աղբյուրների վերաբերյալ.
բ) ապահովել մանկապատանեկան առողջարարական ճամբարների ֆինանսավորումն ըստ հերթափոխների` Հայաստանի Հանրապետության սոցիալական ապահովագրության պետական հիմնադրամի միջոցով:
7. Հայաստանի Հանրապետության կրթության և գիտության նախարարությանը` մինչև 2001 թվականի հունիսի 25-ը մանկապատանեկան առողջարարական ճամբարներն ապահովել մանկավարժական կադրերով:
8. Հայաստանի Հանրապետության առողջապահության նախարարությանը` Հայաստանի Հանրապետության Կոտայքի մարզպետի հետ համատեղ ձեռնարկել միջոցներ Հանքավանի միջճամբարային մեկուսարանի աշխատանքները 2001 թվականի հուլիսի 1-ից սկսելու և մանկապատանեկան առողջարարական ճամբարները ներկայացված հայտերի համաձայն բժշկական կադրերով ապահովելու համար:
9. Հայաստանի Հանրապետության ներքին գործերի նախարարությանը, Հայաստանի Հանրապետության տրանսպորտի և կապի նախարարությանը, Հայաստանի Հանրապետության մարզպետներին և Երևանի քաղաքապետին` ապահովել ամառային հանգստի մեկնող և վերադարձող երեխաների անվտանգ փոխադրումը:
10. Հայաստանի Հանրապետության էներգետիկայի նախարարությանը` Հայաստանի Հանրապետության Կոտայքի մարզպետի հետ համատեղ ապահովել էլեկտրաէներգիայի անխափան մատակարարումը 2001 թվականի հուլիսի 1-ից մինչև օգոստոսի 20-ը մարզում գործող մանկապատանեկան առողջարարական ճամբարներին:
11. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` 2001 թվականի ամռան ընթացքում մամուլում և զանգվածային լրատվության մյուս միջոցներով պարբերաբար լուսաբանել դպրոցահասակ երեխաների ամառային հանգստի կազմակերպման հետ կապված աշխատանքները:
Հայաստանի Հանրապետության
վարչապետ Ա. Մարգարյան
Հաստատված է
ՀՀ վարչապետի 2001 թ.
հունիսի 13-ի N 434 որոշմամբ
Կ Ա Զ Մ
դպրոցականների ամառային հանգստի կազմակերպման միջգերատեսչական հանձնաժողովի
Հ. Աբրահամյան - ՀՀ տարածքային կառավարման նախարար
(հանձնաժողովի նախագահ)
Է. Ղազարյան - ՀՀ կրթության և գիտության նախարար
Վ. Խաչիկյան - ՀՀ Ազգային ժողովի պատգամավոր
(համաձայնությամբ)
Մ. Հարությունյան - ՀԱՄԿ-ի նախագահ (համաձայնությամբ)
Վ. Բարսեղյան - ՀՀ մշակույթի, երիտասարդության հարցերի և
սպորտի նախարարի տեղակալ
Ա. Եսայան - ՀՀ սոցիալական ապահովության
նախարարի տեղակալ
Վ. Դավիդյանց - ՀՀ գլխավոր պետական սանիտարական բժիշկ
Մ. Երանոսյան - ՀՀ ֆինանսների և էկոնոմիկայի նախարարության
բյուջետային ծրագրավորման գլխավոր վարչության պետ
Ա. Զախարյան - ՀՀ ներքին գործերի նախարարության ՔՀԳՎ-ի
3-րդ վարչության պետ
Կ. Շահգալդյան - ՀՀ Կոտայքի մարզպետ
Կ. Հայրապետյան - ՀՀ կառավարության աշխատակազմի սոցիալական
հարցերի վարչության պետ (հանձնաժողովի քարտուղար)
Հաստատված է
ՀՀ վարչապետի 2001 թ.
հունիսի 13-ի N 434 որոշմամբ
Հ Ա Շ Վ Ա Ր Կ
2001 թվականին մանկապատանեկան առողջարարական ճամբարներում հանգստացող մեկ երեխայի մեկ օրվա ծախսերի
Գումարը
(դրամ)
______________________
Սնունդ (մանկավարժների հետ միասին) 1236.3
(այդ թվում` ԱԱՀ` 176.6)
Աշխատավարձ 51.6
Տնտեսական ծախսեր 86.0
(այդ թվում` ԱԱՀ` 12.3)
Ավելացված արժեքի հարկ 95.3
Պարտադիր սոցիալական վճարներ 47.0
___________________________________________________________
Ընդամենը 1516.2
Հաստատված է
ՀՀ վարչապետի 2001 թ.
հունիսի 13-ի N 434 որոշմամբ
Տ Ի Պ Ա Յ Ի Ն Հ Ա Ս Տ Ի Ք Ն Ե Ր
մանկապատանեկան առողջարարական ճամբարների վարչատնտեսական, դաստիարակչական, բուժական ԵՎ սպասարկող անձնակազմերի
Հաստիքների
անվանումները 80-120 121-160 161-200 201-240 241-280 281-320 321-360
___________________________________________________________________
Պետ 1 1 1 1 1 1 1
Վարչատնտեսական աշխատողներ
Տնտեսվար 1 1 1 1 1 1 1
Պահեստապետ - 1 1 1 1 1 1
Առաքիչ - 1 1 1 1 1 1
Հաշվապահ 1 1 1 1 1 1 1
Տնտեսուհի 1 1 1 1 1 4 4
Ավագ խոհարար 1 1 1 1 1 1 1
Խոհարար - 2 3 4 5 6 7
Խոհանոցի բանվոր 1 2 3 4 5 6 7
Աման լվացող 1 2 3 4 5 6 7
___________________________________________________________________
ընդամենը 7 13 16 19 22 25 28
Դաստիարակչական անձնակազմ
Ավագ մանկավարժ - 1 1 1 1 1 1
Դաստիարակ 5 7 8 11 12 13 14
Ջոկատավար 4 5 6 8 9 10 11
Ֆիզղեկ 1 1 1 1 1 1 1
Նվագակցող 1 1 1 1 1 1 1
___________________________________________________________________
ընդամենը 11 15 17 22 24 26 28
Բուժական անձնակազմ
Բժիշկ 1 1 1 1 1 1 1
Բուժքույր - - 1 1 1 1 1
___________________________________________________________________
ընդամենը 1 1 2 2 2 2 2
___________________________________________________________________
Սպասարկող անձնակազմ
Հավաքարար 2 2,5 3 3,5 4 4,5 5
Վարորդ 1 1 1 1 1 1 1
Պահակ 3 3 4 4 4 4 4
Լվացարար 1 2 2 2,5 3 3,5 4
Էլեկտրիկ 1 1 1 1 1 1 1
Փականագործ - - 1 1 1 1 1
Օժանդակ բանվոր - - - 1 1 1 1
___________________________________________________________________
Ընդամենը 8 9,5 12 14 15 16 17
____________________
Ծանոթագրություններ: 1. Սպասարկող անձնակազմի վարձատրությունը կատարում է հիմնադիրը:
2. Յուրաքանչյուր 3 ջոկատին տրվում է փոխարինող մանկավարժի մեկ լրացուցիչ հաստիք:
3. Լողավազանի առկայության դեպքում հատկացվում է լողի մարզչի մեկ հաստիք:
4. Չնորմավորված աշխատաժամանակով և բարձր լեռնային պայմաններում աշխատելու համար վարձատրությունը կատարվում է Հայաստանի Հանրապետության օրենսդրությանը համապատասխան:
Հաստատված է
ՀՀ վարչապետի 2001 թ.
հունիսի 13-ի N 434 որոշմամբ
Ց Ա Ն Կ
Հայաստանի Հանրապետությունում 2001 թվականին գործող մանկապատանեկան առողջարարական ճամբարների
«Հասմիկ»
«Լուսաբաց»
«Արագած»
«Զեփյուռ»
«Արծվիկ»
«Հեքիաթ»
«Սևան»