ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ ՊԱՀՈՒՍՏԻ ԱՐԺԵՔՆԵՐԸ «ՍԱՐԴԱՐԱՊԱՏԻ ՀԵՐՈՍԱՄԱՐՏԻ ՀՈՒՇԱՀԱՄԱԼԻՐ, ՀԱՅՈՑ ԱԶԳԱԳՐՈՒԹՅԱՆ ԵՎ ԱԶԱՏԱԳՐԱԿԱՆ ՊԱՅՔԱՐԻ ՊԱՏՄՈՒԹՅԱՆ ԱԶԳԱՅԻՆ ԹԱՆԳԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՄՐԱՑՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 սեպտեմբերի 2021 թվականի N 1560-Ա

ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ ՊԱՀՈՒՍՏԻ ԱՐԺԵՔՆԵՐԸ «ՍԱՐԴԱՐԱՊԱՏԻ ՀԵՐՈՍԱՄԱՐՏԻ ՀՈՒՇԱՀԱՄԱԼԻՐ, ՀԱՅՈՑ ԱԶԳԱԳՐՈՒԹՅԱՆ ԵՎ ԱԶԱՏԱԳՐԱԿԱՆ ՊԱՅՔԱՐԻ ՊԱՏՄՈՒԹՅԱՆ ԱԶԳԱՅԻՆ ԹԱՆԳԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՄՐԱՑՆԵԼՈՒ ՄԱՍԻՆ

Հիմք ընդունելով «Թանկարժեք մետաղների մասին» Հայաստանի Հանրապետության օրենքի 20-րդ հոդվածի 2-րդ մասը՝ Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալությունում հաշվառված թանկարժեք մետաղների և թանկարժեք քարերի ազգային պահուստի արժեքները` համաձայն hավելվածի, 5 տարի ժամկետով ամրացնել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանը՝ ըստ նշանակության օգտագործման իրավունքով:

2. Հայաստանի Հանրապետության ֆինանսների նախարարին՝ սույն որոշումն ուժի մեջ մտնելուց հետո մեկամսյա ժամկետում «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության տնօրենի հետ համատեղ Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված արժեքների հանձնմանընդունման աշխատանքների կատարումը:

3. Հայաստանի Հանրապետության ֆինանսների նախարարին՝ սույն որոշման 1-ին կետում նշված ժամկետի ավարտից հետո 10-օրյա ժամկետում «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության տնօրենի հետ համատեղ ապահովել որոշման 1-ին կետում նշված արժեքների վերադարձը Հայաստանի Հանրապետության ֆինանսների նախարարությանը:

4. Սույն որոշման 1-ին կետում նշված արժեքների տեղափոխման հետ կապված ծախսերն իրականացնել Հայաստանի Հանրապետության ֆինանսների նախարարության միջոցների հաշվին։

Հայաստանի Հանրապետության

վարչապետ Ն. ՓԱՇԻՆՅԱՆ

Երևան

24.09.2021

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված

ՀՀ կառավարության 2021 թվականի

սեպտեմբերի 24-ի N 1560-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ «ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՊԵՏԱԿԱՆ ԳԱՆՁԱՐԱՆ» ԳՈՐԾԱԿԱԼՈՒԹՅՈՒՆՈՒՄ ՀԱՇՎԱՌՎԱԾ ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ ՊԱՀՈՒՍՏԻ ԱՐԺԵՔՆԵՐԸ

NN

ը/կ Առարկայի անվանումը Ստեղծողը Ստեղծման վայրը

(դպրոցը) Ստեղծման ժամանակը Հաշվառանիշը Նյութը Քաշը (գրամ) Հարգը

1. շքանշան (հայր.

պատերազմի) Լենինգրադ 1942 թ. 4713789 արծաթ 40.19 960-ի սահմանում

2. շքանշան (պատվո

նշան) Լենինգրադ 1935 թ. 310649 արծաթ 45.6 960-ի սահմանում

3. շքանշան (աշխ.

կարմիր դրոշի) Լենինգրադ 1928 թ. 1024746 արծաթ 44.12 960-ի սահմանում

4. շքանշան (Լենինի) Լենինգրադ 1930 թ. 23695 ոսկի/պլատին

/արծաթ 34.2 960/999/925-ի

սահմանում

5. դրամ Ռուսաստան 1829 թ. արծաթ 20.36 916

6. դրամ Հռոմ.

Կայսրություն Տրայանոս 1-2-րդ դդ. դինար-AR արծաթ 3.36 870

7. դրամ Բյուզանդիա

Թեոդոսիուս 5-րդ դ. սոլիտ AV ոսկի 4.26 999

8. դրամ Պարսկաստան հիջրայի

1131 աբբասի AR արծաթ 5.34 990-ի սահմանում

9. դրամ Բյուզանդիա

Հերակլիոս 7-րդ դ. սոլիտ AV ոսկի 4.36 970-ի սահմանում

10. գոտի АА Անդրկովկաս 1903-04 թթ. արծաթ 877.7 875

11. գոտի ԵԲ Ռուսաստան 1877 թ. արծաթ 1024 875

12. գոտի О.Т Անդրկովկաս 19-րդ դ. վերջ-

20-րդ դ. սկ. արծաթ 704 875

13. գոտի Անդրկովկաս 1903-04 թթ. արծաթ 577 875

14. գոտի /արձ.` Ա.Ղ/ ԳԿ Անդրկովկաս 1917 թ. արծաթ 753.8 875

15. գոտի МР Անդրկովկաս 1900-08 թթ. արծաթ 451.3 875

16. գոտի Ղ:Ա:Ս Անդրկովկաս 1908-17 թթ. արծաթ 563.5 875

17. գոտի ՍԶ Անդրկովկաս 1903-04 թթ. արծաթ 688.3 875

18. գոտի МК Անդրկովկաս 1908-17 թթ. արծաթ 467.4 875

19. գոտի ГО Ախալցխա 1908-17 թթ. արծաթ 819.4 800/875

20. գոտի Անդրկովկաս 19-րդ դ.

վերջ արծաթ 691.2 875

21. գոտի /արձ.` ՄՀ/ ՄՀ Անդրկովկաս 1880 թ. արծաթ 492.8 750/875

22. գոտի ԳԹ Անդրկովկաս 1903-04 թթ. արծաթ 329 875

23. ծխախոտատուփ Արևմտ.

Հայաստան 19-րդ դ. վերջ-

20-րդ դ. սկ. արծաթ 115.8 875

24. ծխախոտատուփ Անդրկովկաս 19-րդ դ. վերջ-

20-րդ դ. սկ. արծաթ 185.8 750

25. մատնոց 1955-65 թթ. արծաթ 6.08 875

26. մատնոց 1955-65 թթ. արծաթ 7.38 916

27. մատնոց Վրաստան 1955-65 թթ. արծաթ 4.79 875

28. անձեռոցի օղակ (վրաց. արձ.) Վրաստան 1908-14 թթ. արծաթ 23.31 875

29. մրցանակային գավաթ (1920г արձ.) Մոսկվա 1908-17 թթ. արծաթ 390 875

30. սեղանի օրացույց Մոսկվա 1908-17 թթ. արծաթ 450 875

31. վզնոց Անդրկովկաս 19-րդ դ. վերջ-

20-րդ դ. սկ. արծաթ 72.78 600/800

Հայաստանի Հանրապետության

վարչապետի աշխատակազմի

ղեկավար Ա. Հարությունյան

24.09.2021

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ