ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
N 1180-Ա
ՊԱՏՎԻՐԱԿՈՒԹՅՈՒՆ ՏԱՋԻԿՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը՝
1. ԱՊՀ մասնակից պետությունների ուսուցիչների և կրթական համակարգի աշխատակիցների 4-րդ համագումարին մասնակցելու նպատակով 2021 թվականի հոկտեմբերի 27-30-ը Տաջիկստանի Հանրապետություն (Դուշանբե) գործուղել պատվիրակություն՝ համաձայն հավելվածի:
(1-ին կետը փոփ. 26.10.21 N 1201-Ա)
2. Պատվիրակության ղեկավար Ժաննա Անդրեասյանի գործուղման հետ կապված ծախսերը (օրապահիկ, գիշերավարձ, ճանապարհածախս) և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3. Պատվիրակության անդամների՝ Տաջիկստանի Հանրապետություն (Դուշանբե) գործուղման հետ կապված ծախսերը (օրապահիկ, գիշերավարձ, ճանապարհածախս) և «COVID-19» ՊՇՌ նմուշառումների վճարները կատարել՝
1) Արաքսիա Սվաջյանինը՝ Հայաստանի Հանրապետության կրթության, գիտության, մշակույթի և սպորտի նախարարության Հանրապետական մանկավարժահոգեբանական կենտրոնի միջոցների հաշվին.
2) Արտաշես Թորոսյանինը՝ «Կրթության զարգացման և նորարարությունների ազգային կենտրոն» հիմնադրամի միջոցների հաշվին.
3) Արտակ Պողոսյանինը և Հայկ Դավեյանինը՝ «Կրթական տեխնոլոգիաների ազգային կենտրոն» ՊՈԱԿ-ի միջոցների հաշվին:
4. Ընդունել ի գիտություն, որ պատվիրակության անդամներ Անիչկա Մովսիսյանի, Անահիտ Գրիգորյանի, Փառանձեմ Խանգելդյանի, Ջավահիր Ստեփանյանի, Ռաֆայել Բարսեղյանի՝ Տաջիկստանի Հանրապետություն (Դուշանբե) գործուղման հետ կապված ծախսերը կատարվելու են Հումանիտար համագործակցության միջազգային հիմնադրամի միջոցների հաշվին:
5. Հայաստանի Հանրապետության կրթության, գիտության, մշակույթի և սպորտի նախարարին՝ ապահովել գործուղումից վերադառնալուց հետո եռօրյա ժամկետում պատվիրակության՝ Տաջիկստանի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:
Հայաստանի Հանրապետության
վարչապետ Ն. ՓԱՇԻՆՅԱՆ
Երևան
18.10.2021
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ վարչապետի
N 1180-Ա որոշման
Կ Ա Զ Մ
ՏԱՋԻԿՍՏԱՆԻ ՀԱՆՐԱՊԵՏՈՒԹՅՈՒՆ (ԴՈՒՇԱՆԲԵ) ՄԵԿՆՈՂ ՊԱՏՎԻՐԱԿՈՒԹՅԱՆ
Ժաննա Անդրեասյան - ՀՀ կրթության, գիտության, մշակույթի և սպորտի նախարարի տեղակալ (պատվիրակության ղեկավար)
Արաքսիա Սվաջյան - ՀՀ կրթության, գիտության, մշակույթի և սպորտի նախարարության Հանրապետական մանկավարժահոգեբանական կենտրոնի տնօրեն
Արտաշես Թորոսյան - «Կրթության զարգացման և նորարարությունների ազգային կենտրոն» հիմնադրամի գործադիր տնօրենի ժամանակավոր պաշտոնակատար
Արտակ Պողոսյան - «Կրթական տեխնոլոգիաների ազգային կենտրոն» ՊՈԱԿ-ի տնօրեն
Հայկ Դավեյան - «Կրթական տեխնոլոգիաների ազգային կենտրոն» ՊՈԱԿ-ի ներկայացուցիչ
Անահիտ Գրիգորյան - «Հրազդանի Խ. Աբովյանի անվան թիվ 1 ավագ դպրոց» ՊՈԱԿ-ի ռուսաց լեզվի և գրականության ուսուցիչ
Փառանձեմ Խանգելդյան - ՀՀ Տավուշի մարզի «Նոյեմբերյանի թիվ 2 մանկապարտեզ» ՀՈԱԿ-ի տնօրեն
Անիչկա Մովսիսյան - «Երևանի Թաթուլ Կրպեյանի անվան թիվ 62 ավագ դպրոց» ՊՈԱԿ-ի ուսուցիչ
Ռաֆայել Բարսեղյան - Երևանի Լեոյի անվան թիվ 65 ավագ դպրոցի տնօրեն
Ջավահիր Ստեփանյան - ՀՀ Գեղարքունիքի մարզի «Ճամբարակի թիվ 1 հիմնական դպրոց» ՊՈԱԿ-ի ուսուցիչ
Հայաստանի Հանրապետության
վարչապետի աշխատակազմի
ղեկավար Ա. Հարությունյան
18.10.2021
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ