Հոդված 16
Հոդված 16.
Օրենքի 29-րդ հոդվածի 1-ին մասում՝
1) լրացնել հետևյալ բովանդակությամբ 3.1-ին կետով.
«3.1) սահմանում է այլընտրանքային (հեղինակային, փորձարարական և միջազգային) կրթական ծրագրերի փորձաքննության անցկացման, ճանաչման և հաստատման կարգը.».
2) 6-րդ կետը շարադրել հետևյալ խմբագրությամբ.
«6) հաստատում է պետական ուսումնական հաստատության տնօրենի թափուր տեղի մրցույթի հայտարարման, անցկացման, մասնագիտական հանձնաժողովի ձևավորման, գործունեության և տնօրենի նշանակման կարգը.».
3) լրացնել հետևյալ բովանդակությամբ 6.1-ին և 6.2-րդ կետերով.
«6.1) հաստատում է լիազորված մարմնի՝ պետական ուսումնական հաստատությունում վարչատնտեսական գործընթացի կառավարումը իրավաբանական անձին պատվիրակելու կարգը.
6.2) հաստատում է տարածքային մանկավարժահոգեբանական աջակցության կենտրոնի տնօրենի ընտրության (նշանակման) կարգը.».
4) 10-րդ կետը շարադրել հետևյալ խմբագրությամբ.
«10) սահմանում է ուսումնական հաստատության և տարածքային մանկավարժահոգեբանական աջակցության կենտրոնի մանկավարժական և վարչատնտեսական աշխատողների պաշտոնների անվանացանկը, դրանց նկարագիրը.».
5) 12-րդ կետը «ատեստավորման կարգը» բառերից առաջ լրացնել «հերթական» բառով.
6) լրացնել հետևյալ բովանդակությամբ 12.1-12.4-րդ կետերով.
«12.1) սահմանում է հերթական ատեստավորման ենթակա ուսուցիչների վերապատրաստման կարգը.
12.2) սահմանում է ուսուցչի տարակարգի շնորհման հանրապետական հանձնաժողովի ձևավորման և գործունեության կարգը.
12.3) սահմանում է ուսուցիչների կամավոր ատեստավորման կարգը.
12.4) հաստատում է կամավոր ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման, կամավոր ատեստավորման հանձնաժողովի ձևավորման կարգը.».
7) 14-րդ կետը շարադրել հետևյալ խմբագրությամբ.
«14) սահմանում է տարակարգ ստացած ուսուցիչներին հավելավճար տրամադրելու կարգը.»։