ՀՀ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ ՈՐՈՇՈՒՄԸ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԱՆԴԱՄՆԵՐԻ ԹԵԿՆԱԾՈՒՆԵՐԻ ԴԻՄՈՒՄԻ ՁԵՎԸ ԵՎ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

29 հունիսի 2016 թ.

Պետական գրանցման թիվ 60616227

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

17 հունիսի 2016 թ.

ք. Երևան N 33-Ն

Ո Ր Ո Շ ՈՒ Մ

ընտրատարածքային ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԱՆԴԱՄՆԵՐԻ ԹԵԿՆԱԾՈՒՆԵՐԻ ԴԻՄՈՒՄԻ ՁԵՎԸ ԵՎ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

(վերնագիրը փոփ. 30.06.22 N 28-Ն)

Ղեկավարվելով «Հայաստանի Հանրապետության ընտրական օրենսգիրք» Հայաստանի Հանրապետության սահմանադրական օրենքի 43-րդ հոդվածի 4-րդ մասով` Հայաստանի Հանրապետության կենտրոնական ընտրական հանձնաժողովը որոշում է.

(նախաբանը փոփ. 30.06.22 N 28-Ն)

1. Սահմանել ընտրատարածքային ընտրական հանձնաժողովների անդամների թեկնածուների դիմումի ձևը և անհրաժեշտ փաստաթղթերի ցանկը` համաձայն հավելվածի:

(1-ին կետը փոփ. 30.06.22 N 28-Ն)

2. Դիմումի ձևը տրամադրում է Կենտրոնական ընտրական հանձնաժողովը, այն կարող է ներբեռնվել Կենտրոնական ընտրական հանձնաժողովի համացանցային կայքից: Եթե դիմողը ցանկանում է միաժամանակ դիմում ներկայացնել մեկից ավելի ընտրատարածքային ընտրական հանձնաժողովների վերաբերյալ, ապա յուրաքանչյուր ընտրատարածքային ընտրական հանձնաժողովի համար ներկայացնում է առանձին դիմում:

(2-րդ կետը փոփ. 30.06.22 N 28-Ն)

3. Դիմումները ներկայացվում են Կենտրոնական ընտրական հանձնաժողով և մուտքագրվում են համակարգչային եղանակով` ըստ ընտրատարածքային ընտրական հանձնաժողովների:

(3-րդ կետը փոփ. 30.06.22 N 28-Ն)

ՀՀ կենտրոնական ընտրական

հանձնաժողովի նախագահ Տ. Մուկուչյան

Հավելված

ՀՀ կենտրոնական ընտրական հանձնաժողովի

2016 թ. հունիսի 17-ի N 33-Ն որոշման

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀԻՆ

Դ Ի Մ ՈՒ Մ

ԹԻՎ ________ ընտրատարածքային ԸՆՏՐԱԿԱՆ ՀԱՆՁՆԱԺՈՂՈՎԻ ԱՆԴԱՄԻ ԹԵԿՆԱԾՈՒԻ

Ես` _____________________________________________________________________________,

(անունը, հայրանունը, ազգանունը)

հաշվառված` _____________________________________________________________________,

(հաշվառման վայրը)

________________________________________________________________________________,

(նշվում է բնակության վայրը, եթե տարբերվում է հաշվառման վայրից)

Հայաստանի Հանրապետության ընտրական օրենսգրքի 43-րդ հոդվածի 3-րդ մասի պահանջների համաձայն ունեմ`

(V ձևի նշան է դրվում ստորև ներկայացված այն պայմանների դիմացի քառանկյունում (քառանկյուններում), որին (որոնց) համապատասխանում են դիմող թեկնածուի տվյալները)

1) □ բարձրագույն իրավաբանական կրթություն և վերջին 5 տարում առնվազն 2 տարվա մասնագիտական ստաժ,

2) □ իրավունքի ոլորտում գիտական աստիճան և վերջին 4 տարում առնվազն մեկ տարվա մասնագիտական ստաժ,

3) □ բարձրագույն կրթություն և վերջին 6 տարում պետական կամ տեղական ինքնակառավարման մարմիններում կամ ոչ առևտրային կազմակերպություններում համապատասխանաբար պետական ծառայության կամ համայնքային ծառայության կամ ղեկավար պաշտոնում աշխատանքի առնվազն 3 տարվա աշխատանքային ստաժ,

4) □ բարձրագույն կրթություն և վերջին 5 տարում մշտապես գործող ընտրական հանձնաժողովում առնվազն 2 տարվա աշխատանքային փորձ կամ հանձնաժողովի աշխատակազմում առնվազն 2 տարվա աշխատանքային ստաժ:

Հայաստանի Հանրապետության ընտրական օրենսգրքի 41-րդ հոդվածով ընտրական հանձնաժողովի անդամի համար սահմանված սահմանափակումներն ինձ վրա չեն տարածվում:

Խնդրում եմ ինձ ընդգրկել թիվ ________ ընտրատարածքային ընտրական հանձնաժողովի կազմում:

Դիմումին կցվում է`

1. 3 x 4 չափի 2 գունավոր լուսանկար,

2. անձնագրի 2-րդ և 3-րդ էջերի կամ նույնականացման քարտի լուսապատճենները,

3. 1-ից 4-րդ պարբերություններում V ձևի նշան պարունակող պարբերության պայմաններին բավարարելը հավաստող փաստաթղթերի (կրթության մասին վկայական, աշխատանքային գրքույկ և այլն) լուսապատճենները:

Ընդամենը` ________ թերթ:

Դիմող` ___________________ __________________________

(անունը, ազգանունը) (ստորագրություն)

«____» ____________ 20 թ.

(հավելվածը փոփ. 30.06.22 N 28-Ն)