ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
29 մայիսի 2018 թվականի թիվ 91 քաղ. Մոսկվա
ԱՅՆ ԱՐՏԱԴՐԱՆՔԻ ՑԱՆԿԸ ՀԱՍՏԱՏԵԼՈՒ ՄԱՍԻՆ, ՈՐԻ ԱՌՆՉՈՒԹՅԱՄԲ ՄԱՔՍԱՅԻՆ ՀԱՅՏԱՐԱՐԱԳԻՐ ՆԵՐԿԱՅԱՑՆԵԼՆ ՈՒՂԵԿՑՎՈՒՄ Է «ՄԱՆԿԱԿԱՆ ԽԱՂԱՀՐԱՊԱՐԱԿՆԵՐԻ ՀԱՄԱՐ ՆԱԽԱՏԵՍՎԱԾ ՍԱՐՔԱՎՈՐՈՒՄՆԵՐԻ ԱՆՎՏԱՆԳՈՒԹՅԱՆ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԻ (ԵԱՏՄ ՏԿ 042/2017) ՊԱՀԱՆՋՆԵՐԻՆ ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ՄԱՍԻՆ ՓԱՍՏԱԹՈՒՂԹԸ ՆԵՐԿԱՅԱՑՆԵԼՈՎ
«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 8-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 8-րդ կետին համապատասխան, Եվրասիական տնտեսական հանձնաժողովի կոլեգիայի
2012 թվականի դեկտեմբերի 25-ի թիվ 294 որոշմամբ հաստատված` «Մաքսային միության մաքսային տարածք այն արտադրանքի (ապրանքների) ներմուծման կարգի մասին, որի նկատմամբ Մաքսային միության շրջանակներում սահմանվում են պարտադիր պահանջներ» հիմնադրույթի 2-րդ կետի «գ» ենթակետի իրագործման նպատակներով՝ Եվրասիական տնտեսական հանձնաժողովի կոլեգիան որոշեց.
1. Հաստատել կից ներկայացվող` այն արտադրանքի ցանկը, որի առնչությամբ մաքսային հայտարարագիր ներկայացնելն ուղեկցվում է «Մանկական խաղահրապարակների համար նախատեսված սարքավորումների անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 042/2017) պահանջներին համապատասխանության գնահատման մասին փաստաթուղթը ներկայացնելով:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:
Եվրասիական տնտեսական հանձնաժողովի կոլեգիայի նախագահ` Տ. Սարգսյան
ՀԱՍՏԱՏՎԱԾ Է
Եվրասիական տնտեսական
հանձնաժողովի կոլեգիայի
2018 թվականի մայիսի 29-ի
թիվ 91 որոշմամբ
ՑԱՆԿ
այն արտադրանքի, որի համար մաքսային հայտարարագիր ներկայացնելն ուղեկցվում է «Մանկական խաղահրապարակների համար նախատեսված սարքավորումների անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 042/2017) պահանջներին համապատասխանության գնահատման մասին փաստաթուղթը ներկայացնելով
Արտադրանքի անվանումը ԵԱՏՄ ԱՏԳ ԱԱ ծածկագիրը Համապատասխանության գնահատման մասին փաստաթուղթը Ծանոթագրություն
1 2 3 4
1. Մանկական խաղահրապարակի սահարան 9506 99 900 0-ից համապատասխանության հավաստագիր
2. Մանկական խաղահրապարակի ճոճեր 9506 99 900 0-ից համապատասխանության հավաստագիր
3. Մանկական խաղահրապարակի ճոճաթոռ 9506 99 900 0-ից համապատասխանության հավաստագիր
4. Մանկական խաղահրապարակի կարուսել 9506 99 900 0-ից համապատասխանության հավաստագիր
5. Մանկական խաղահրապարակի ճոպանուղի 9506 99 900 0-ից համապատասխանության հավաստագիր
6. Մանկական քաղաք (խաղային համալիր) 9506 99 900 0-ից համապատասխանության հավաստագիր
7. Խաղային սարքավորումներ մանկական խաղահրապարակի համար, այդ թվում` ավազաման, խաղային տնակ, լաբիրինթոս 9506 99 900 0-ից համապատասխանության մասին հայտարարագիր
8. Հարվածակլանիչ ծածկույթ` ռետինե 4016 91 000 0-ից համապատասխանության հավաստագիր
9. Հարվածակլանիչ ծածկույթ`սինթետիկ 3918-ից 3919-ից 3920-ից 3921-ից 5703-ից 5904 համապատասխանության հավաստագիր
Ծանոթագրություններ.
1. Սույն ցանկի կիրառման համար անհրաժեշտ է օգտվել ինչպես արտադրանքի անվանումից, այնպես էլ ԵԱՏՄ ԱՏԳ ԱԱ ծածկագրից:
2. «Մանկական խաղահրապարակների համար նախատեսված սարքավորումների անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 042/2017) պահանջներին համապատասխանության գնահատման մասին փաստաթուղթը մաքսային մարմիններ ներկայացնելու մասին պահանջը չի կիրառվում հետևյալ արտադրանքի նկատմամբ`
ա) նախքան «Մանկական խաղահրապարակների համար նախատեսված սարքավորումների անվտանգության մասին» Եվրասիական տնտեսական միության տեխնիկական կանոնակարգն (ԵԱՏՄ ՏԿ 042/2017) ուժի մեջ մտնելն արտադրված և շահագործման հանձնված` մանկական խաղահրապարաների համար նախատեսված սարքավորումներ և (կամ) ծածկույթ,
բ) մարզանքների և ֆիզիկական կուլտուրայով, սպորտով և զբոսաշրջությամբ զբաղվելու համար նախատեսված սպորտային սարքավորումներ և արտադրատեսակներ,
գ) ատրակցիոններ, որոնց վրա տարածվում է Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 114 որոշմամբ ընդունված` «Ատրակցիոնների անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 038/2016) գործողությունը,
դ) խաղալիքներ:
Պաշտոնական հրապարակման օրը՝ 22 հունիսի 2022 թվական: