ՀՀ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ ՈՐՈՇՈՒՄԸ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԿՆԻՔՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

12 հուլիսի 2005 թ.

Պետական գրանցման թիվ 60605258

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

22 հունիսի 2005 թ.

ք. Երևան N 10-Ն

Ո Ր Ո Շ ՈՒ Մ

ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԿՆԻՔՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 49.2 -րդ հոդվածի 1-ին և 3-րդ կետերով, Հայաստանի Հանրապետության կենտրոնական ընտրական հանձնաժողովըո որոշում է.

1. Հաստատել տեղամասային ընտրական հանձնաժողովի կնիքի նմուշը համաձայն թիվ 1 հավելվածի:

Տեղամասային ընտրական հանձնաժողովի կնիքը հավասարակողմ եռանկյուն է, կողմերի երկարությունը 30 մմ, կնիքի եզրագծով` նշված է «ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎ» բառերը: Տեղամասային ընտրական հանձնաժողովների կնիքներն ունեն քառանիշ համարներ, որոնց համարակալումը սկսվում է 0001 և ավարտվում 2000 թվանշանով:

2. Հաստատել ընտրատարածքային ընտրական հանձնաժողովի կնիքի նմուշը համաձայն թիվ 2 հավելվածի:

Ընտրատարածքային ընտրական հանձնաժողովի կնիքը կլոր է, 30 մմ տրամագծով, կնիքի եզրագծերով նշված են «Հայաստանի Հանրապետություն», «Ընտրատարածքային ընտրական հանձնաժողով» բառերը: Ընտրատարածքային ընտրական հանձնաժողովների կնիքները համարակալվում են Հանրապետության տարածքում կազմավորվող ընտրատարածքների թվին համապատասխան` N 1-ից մինչև N 41-ը ներառյալ:

3. Հաստատել Հայաստանի Հանրապետության կենտրոնական ընտրական հանձնաժողովի կնիքի նմուշը համաձայն թիվ 3 հավելվածի:

Հայաստանի Հանրապետության կենտրոնական ընտրական հանձնաժողովի կնիքը կլոր է, 20 մմ տրամագծով` Հայաստանի Հանրապետության զինանշանի պատկերով, կնիքի եզրագծերով նշված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» «ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ» բառերը:

4. Ուժը կորցրած ճանաչել Հայաստանի Հանրապետության կենտրոնական ընտրական հանձնաժողովի 2002 թ. օգոստոսի 12-ի «Ընտրատարածքային ընտրական հանձնաժողովի կնիքի ձևը հաստատելու մասին» N 7/2-Ն և «Տեղամասային ընտրական հանձնաժողովի կնիքի ձևը հաստատելու մասին» N 7/3-Ն որոշումները:

5. Տեղամասային, ընտրատարածքային և կենտրոնական ընտրական հանձնաժողովների գործող կնիքները ենթակա են ոչնչացման Հայաստանի Հանրապետության օրենսդրությամբ սահմանված կարգով:

ՀՀ կենտրոնական ընտրական

հանձնաժողովի նախագահ` Գ. Ազարյան

Հավելված 1

ՀՀ կենտրոնական ընտրական

հանձնաժողովի 2005 թ. հունիսի 22-ի

թիվ 10-Ն որոշման

0001-2000

Հավելված 2

ՀՀ կենտրոնական ընտրական

հանձնաժողովի 2005 թ. հունիսի 22-ի

թիվ 10-Ն որոշման

D=30մմ

1-41

Հավելված 3

ՀՀ կենտրոնական ընտրական

հանձնաժողովի 2005 թ. հունիսի 22-ի

թիվ 10-Ն որոշման

D=20մմ