ՀՀ ՎԱՐՉԱՊԵՏԻ ՈՐՈՇՈՒՄԸ ՀԱՆՁՆԱԺՈՂՈՎ ՆՇԱՆԱԿԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1449-Ա

ՀԱՆՁՆԱԺՈՂՈՎ ՆՇԱՆԱԿԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2003 թվականի դեկտեմբերի 11-ի N 1777-Ն որոշման հավելվածի 9-րդ կետը՝

1. 2022 թվականի դեկտեմբերի 1-ին Հայաստանի Հանրապետության տարածքում քաղաքացիական օդանավի հետ տեղի ունեցած ավիացիոն պատահարի քննությունն անհապաղ կազմակերպելու և վարելու նպատակով նշանակել հանձնաժողով (այսուհետ՝ հանձնաժողով) հետևյալ կազմով՝

ՀՀ տարածքային կառավարման և ենթակառուցվածքների նախարար - հանձնաժողովի նախագահ

ՀՀ տարածքային կառավարման և ենթակառուցվածքների նախարարի տեղակալ (տրանսպորտի ոլորտը համակարգող) - հանձնաժողովի նախագահի տեղակալ

ՀՀ արտակարգ իրավիճակների նախարարի տեղակալ - հանձնաժողովի անդամներ

ՀՀ առողջապահության նախարարի տեղակալ

ՀՀ պաշտպանության նախարարի տեղակալ

ՀՀ ազգային անվտանգության ծառայության տնօրենի տեղակալ

ՀՀ ոստիկանության պետի տեղակալ

ՀՀ տարածքային կառավարման և ենթակառուցվածքների նախարարության երկաթուղային, ջրային և օդային տրանսպորտի քաղաքականության վարչության փորձագետ - հանձնաժողովի քարտուղար

2. Հանձնաժողովի նախագահին՝

1) ըստ անհրաժեշտության` հանձնաժողովի աշխատանքներին ներգրավել համապատասխան մասնագետների.

2) հանձնաժողովի իրականացրած քննության արդյունքների մասին հաշվետվությունը ներկայացնել Հայաստանի Հանրապետության վարչապետին։

Հայաստանի Հանրապետության

վարչապետ Ն. Փաշինյան

Երևան

05.12.2022

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ