Հոդված 12. ՊԱԼԱՏԻ ՀԱՄԱԳՈՒՄԱՐԸ

Հոդված 12. ՊԱԼԱՏԻ ՀԱՄԱԳՈՒՄԱՐԸ

1. Պալատի կառավարման բարձրագույն մարմինը համագումարն է, որը գումարվում է 5 տարին մեկ:

2. Համագումարի գումարման ժամանակի, տեղի և օրակարգի մասին համագումարի բացումից առնվազն մեկ ամիս առաջ պալատի նախագահությունը տեղյակ է պահում պալատի անդամներին:

3. Համագումարը`

ա) հաստատում է պալատի կանոնադրությունը, փոփոխություններ է կատարում դրանում.

բ) 5 տարի ժամկետով ընտրում է պալատի նախագահ և նախագահություն.

գ) հաստատում է պալատի ծրագրերն ու գործունեության ուղղությունները.

դ) լսում և գնահատում է պալատի նախագահի և գործադիր տնօրենի հաշվետվությունները:

4. Պալատի անդամների կամ նախագահության անդամների ընդհանուր թվի առնվազն մեկ երրորդի նախաձեռնությամբ կարող է հրավիրվել արտահերթ համագումար:

5. Համագումարում քննարկվող հարցերը լուծվում են ներկա գտնվող պատվիրակների ձայների պարզ մեծամասնությամբ, իսկ պալատի կանոնադրության հաստատման, փոփոխման հարցերը` առնվազն երկու երրորդով:

6. Համագումարի քվորումը նրա պատվիրակների երկու երրորդն է:

(12-րդ հոդվածը փոփ. 20.05.05 ՀՕ-118-Ն)