ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
21 ապրիլ 2023 թ. N 2062-Ա
Հ Ր Ա Մ Ա Ն
ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2023 ԹՎԱԿԱՆԻ ՄԱՐՏԻ 10-Ի ԹԻՎ 1197-Ա ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները, «Հարկային հաշվետվություններ չներկայացրած կազմակերպությունները լուծարելու և անհատ ձեռնարկատերերին պետական հաշվառումից հանելու մասին» Հայաստանի Հանրապետության օրենքը, Էլինա Մելքումյան անհատ ձեռնարկատիրոջ 2017 թվականի դեկտեմբերի 30-ին պետական հաշվառումից հանված լինելու փաստը`
ՀՐԱՄԱՅՈՒՄ ԵՄ`
1. Առողջապահության նախարարի 2023 թվականի մարտի 10-ի «Անհատ ձեռնարկատեր Էլինա Մելքումյանին 2003 թվականի փետրվարի 11-ին տրված բժշկական օգնության և սպասարկման իրականացման թիվ Ա-XX-000013 լիցենզիան ուժը կորցրած ճանաչելու մասին» թիվ 1197-Ա հրամանի 1-ին կետում «Ուժը կորցրած ճանաչել» բառերից առաջ լրացնել «2017 թվականի դեկտեմբերի 30-ից» բառերը:
2. Առողջապահության նախարարության լիցենզավորման գործակալության պետ Վահե Ալեքսանյանին՝ եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը անհատ ձեռնարկատեր Էլինա Մելքումյանին:
Ա. Ավանեսյան