ՀՀ ՓՈԽՎԱՐՉԱՊԵՏԻ ՈՐՈՇՈՒՄԸ «ԱՌՔ»… (2021) — ՀՀ օրենսդրություն

ամբողջ փաստաթուղթըգործող խմբագրությունԲացել ARLIS-ում

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 442-Ա

«ԱՌՔ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ՝ «ՎԱՆԱՁՈՐՈՒՄ ԲՆԱԿԱՐԱՆԻ ԿԱՐԻՔ ՈՒՆԵՑՈՂ ԸՆՏԱՆԻՔՆԵՐԻ ՀԱՄԱՐ 16 ՏՆԵՐԻ ԿԱՌՈՒՑՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «ԱՌՔ» բարեգործական հիմնադրամի կողմից իրականացվող՝ 210,000,000 դրամ ընդհանուր արժողությամբ «Վանաձորում բնակարանի կարիք ունեցող ընտանիքների համար 16 տների կառուցում» ծրագիրը՝ համաձայն հավելվածի:

2. «ԱՌՔ» բարեգործական հիմնադրամին` ծրագրի ավարտից հետո մեկամսյա ժամկետում, Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով, ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության

փոխվարչապետի պաշտոնակատար Տ. ԱվինՅԱՆ

Երևան

01.06.2021

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված

ՀՀ փոխվարչապետի

N 442-Ա որոշման

Ծ Ր Ա Գ Ի Ր

ԲՆԱԿԱՐԱՆԻ ԿԱՐԻՔ ՈՒՆԵՑՈՂ ԸՆՏԱՆԻՔՆԵՐԻ ՀԱՄԱՐ 16 ՏՆԵՐԻ ԿԱՌՈՒՑՈՒՄ»

1. Ծրագրի նպատակը Վանաձոր քաղաքում բնակարանի կարիք ունեցող ընտանիքների բնակապահովման խնդիրների լուծման նպատակով «Տարոն-4» թաղամասում 16 տիպային տների կառուցում:

2. Ծրագիրը բարեգործական որակելու նպատակը Ակնկալվում է բարեգործի խրախուսում և նախատեսվում է ծրագրի շրջանակներում, օրենքով սահմանված կարգով, օգտվել Հայաստանի Հանրապետության հարկերի, տուրքերի, պարտադիր վճարների գծով արտոնություններից: Հարկային արտոնություն է ակնկալվում միայն հիմնադրամի կողմից ներդրվող 160,000,000 դրամի չափով:

3. Բարեգործը «ԱՌՔ» բարեգործական հիմնադրամ՝ 130,000,000 դրամ, «ԱՌԴԱ» բարեգործական հիմնադրամ՝ 30,000,000 դրամ և Լոռու մարզպետարան՝ 50,000,000 դրամ

4. Ծրագիրը կատարողը «ԱՌՔ» բարեգործական հիմնադրամ (Երևան, Մամիկոնյանց 58-Ա, բն. 58, ՀՎՀՀ` 00218098)

5. Ծրագրի իրականացման վայրը և

բնագավառը Հայաստանի Հանրապետության, Լոռու մարզ, Վանաձոր, «Տարոն-4» թաղամաս. քաղաքաշինության բնագավառ

6. Ծրագրի բյուջեն 210,000,000 դրամ

7. Բարեգործություն ստացողը Վանաձոր քաղաքում բնակարանի կարիք ունեցող ընտանիքներ, որոնց ընտրությունը կատարվելու է Լոռու մարզպետարանի կողմից ստեղծված համատեղ աշխատանքային խմբի կողմից:

8. Ծրագրի իրականացման տևողությունը 2021 թվականի հունիսի 10-ից մինչև 2025 թվականի սեպտեմբերի 1-ը

9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը Շինարարական-կառուցապատման աշխատանքների իրականացում՝ 01.06.2021 թ. - 01.09.2025 թ., 210,000,000 դրամ:

Կառուցվող տների արժեքի 50 տոկոսը շահառուների համար անհատույց նվիրատվություն է լինելու: Մնացած փոխհատուցվող մասը ընտանիքները բնակարամուտից հետո 10-15 տարվա ընթացքում վերադարձնելու են անտոկոս փոխառության կարգով: Վերադարձվող գումարները որպես շրջանառու միջոց

օգտագործվելու են ծրագրի հետագա փուլերում:

10. Ձեռքբերվող ապրանքների ու ծառայությունների համառոտ նկարագիրը, ծավալները և նախատեսվող գինը Շինարարական աշխատանքների իրականացում՝ 64,000,000 դրամ, նյութերի ձեռքբերում և ներմուծում՝ 96,000,000 դրամ.

Արտաքին կոմունիկացիոն գծերի իրականացում – 50,000,000 դրամ:

11. Ծրագրի իրականացման հետ կապված կազմակերպական ծախսերը Ծրագրի իրականացման համար կազմակերպական ծախսեր չեն նախատեսվում: Ծրագիրն իրականացվելու է հիմնադրամի ընդհանուր ծախսերի հաշվին:

12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ Հայաստանի Հանրապետության Լոռու մարզպետարան, որի միջոցներով իրականացվելու է արտաքին կոմունիկացիոն գծերի կառուցումը (շուրջ 50,000,000 դրամ), Վանաձորի քաղաքապետարան, որը ծրագրի իրականացման համար կառուցապատման նպատակով հողատարածք է տրամադրել:

13. Ծրագրի արդյունավետության նկատմամբ վերահսկողության

մեխանիզմների նկարագրությունը Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

(հավելվածը խմբ., լրաց. 11.08.23 N 557-Ա)