ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔ
ՇԵՆԳԱՎԻԹ ՀԱՄԱՅՆՔԻ ԱՎԱԳԱՆԻ
Ո Ր Ո Շ ՈՒ Մ
29 օգոստոսի 2002 թվականի թիվ 129
քաղ. Երևան
ՇԵՆԳԱՎԻԹ ՀԱՄԱՅՆՔԻ ԱՎԱԳԱՆՈՒ ԵՐԿՈՒ ՀԱԶԱՐ ԵՐԿՈՒ ԹՎԱԿԱՆԻ ՄԱՅԻՍԻ 17-Ի ԹԻՎ 56 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Շենգավիթ համայնքի ավագանու 2002թ. մայիսի 17-ի «Շենգավիթ համայնքի սեփականությունը հանդիսացող բնակարանները, հանրակացարանային տիպի սենյակները և ծառայողական բնակարանները նվիրաբերությամբ բնակիչներին օտարելու համաձայնություն տալու մասին» թիվ 56 որոշմամբ սահմանվել է համայնքի սեփականություն հանդիսացող բնակարանների, հանրակացարանների և ծառայողական բնակարանների նվիրաբերության կարգը: Հայաստանի Հանրապետության արդարադատության նախարարության պետական փորձագիտական եզրակացությամբ առաջարկվել է նշված որոշման 3-րդ, 4-րդ, 8-րդ և 8.4-րդ կետերում կատարել համապատասխան փոփոխություններ:
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 11-րդ հոդվածի 5-րդ մասի պահանջներով,
Շենգավիթ համայնքի ավագանին որոշում է`
1. Շենգավիթ համայնքի ավագանու 2002թ. մայիսի 17-ի «Շենգավիթ համայնքի սեփականությունը հանդիսացող բնակարանները, հանրակացարանային տիպի սենյակները և ծառայողական բնակարանները նվիրաբերությամբ բնակիչներին օտարելու համաձայնություն տալու մասին» թիվ 56 որոշման մեջ կատարել հետևյալ փոփոխությունները`
ա) որոշման 3-րդ կետում «ընդհանուր համատեղ սեփականություն» բառերը փոխարինել «բաժնային սեփականություն» բառերով,
բ) որոշման 4-րդ կետում «համասեփականատիրության» բառը փոխարինել «սեփականության» բառով,
գ) որոշման 8-րդ կետում հանել «և օտարման» բառերը,
դ) որոշման 8.4 կետը հանել ամբողջությամբ:
2. Սույն որոշման կատարման պատասխանատվությունը դնել թաղապետի տեղակալ Ի. Նազարեթյանի վրա:
3. Սույն որոշման կատարման հսկողությունը դնել թաղապետ` Մ. Սարգսյանի և ավագանու վրա:
Թաղապետ Մ. Սարգսյան