Հոդված 2. Հարկման օբյեկտը

Հոդված 2. Հարկման օբյեկտը

Հարկման օբյեկտ են հանդիսանում ֆիզիկական անձանց կողմից դրամական (Հայաստանի Հանրապետությունում պաշտոնական շրջանառության մեջ գտնվող դրամով կամ արտարժույթով) և բնամթերային ձևով ստացված հետևյալ եկամուտները.

- աշխատանքային և քաղաքացիաիրավական պայմանագրերի կատարումից ստացված եկամուտները,

- հեղինակային վարձատրությունները,

- ձեռնարկատիրական գործունեությունից ստացված եկամուտները,

- նվիրատվության և օգնության կարգով ստացված եկամուտները,

- գույքը վարձակալության տալուց ստացված եկամուտները,

- փայամասնակցություններից, արժեթղթերից, Հայաստանի Հանրապետության քաղաքացիների և քաղաքացիություն չունեցող անձանց ավանդների դիմաց ստացված եկամուտները:

Բնամթերային (ոչ դրամական) ձևով ստացված եկամուտները հարկման օբյեկտում հաշվի են առնվում պետական հաստատագրված (կարգավորվող), իսկ դրանց բացակայության դեպքում ազատ (շուկայական) գներով` Հայաստանի Հանրապետության կառավարության կողմից սահմանված կարգով:

Արտարժույթով ստացված եկամուտները վերահաշվարկում են Հայաստանի Հանրապետությունում պաշտոնապես շրջանառության մեջ գտնվող դրամով` ելնելով դրանց ստացման օրը Հայաստանի Հանրապետության կենտրոնական բանկի սահմանած արժութային կուրսից:

(2-րդ հոդվածը փոփ. 03.04.96 ՀՕ-49)