ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
25 դեկտեմբեր 2023 թվականի թիվ 68-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2018 ԹՎԱԿԱՆԻ ՆՈՅԵՄԲԵՐԻ 30-Ի ԹԻՎ 71-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.
1. Հայաստանի Հանրապետության վիճակագրության պետական խորհրդի 2018 թվականի նոյեմբերի 30-ի ««Անասնաբուծության դրության մասին» Ձև 24-ԳՏ (ամսական) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2012 թվականի օգոստոսի 17-ի թիվ 27-Ն որոշումն ուժը կորցրած ճանաչելու մասին» թիվ 71-Ն որոշման.
1) վերնագրից, 1-ին և 2-րդ կետերից հանել «դրության» բառը,
2) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի,
3) 2-րդ կետից հանել «ձևի» բառը:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Նախագահ՝
Ս. Մնացականյան
Հավելված 1
Հայաստանի Հանրապետության
վիճակագրության պետական
խորհրդի 2023 թվականի
դեկտեմբերի 25-ի թիվ 68-Ն որոշման
«Հավելված 1
Հայաստանի Հանրապետության
վիճակագրության պետական
խորհրդի 2018 թվականի
նոյեմբերի 30-ի թիվ 71-Ն որոշման
Բաժին 1. Անասնաբուծության մասին
Ցուցանիշի անվանումը Տողի ծածկագիրը Չափման
միավորը Հաշվետու ամսվա ծավալը
Ա Բ Գ 1
Իրացվել է սպանդի համար գյուղատնտեսական կենդանի և թռչուն (կենդանի քաշով) 100 ցենտներ
Կթվել է կաթ կովի և մատակի 110 -‘’-
Ստացվել է հավի ձու 120 հատ
Խուզվել է ոչխարի բուրդ 130 ցենտներ
Խոշոր եղջերավոր կենդանիներ, ընդամենը, որից` 140 գլուխ
կովեր 140.1 -‘’-
Խոզեր 150 -‘’-
Ոչխարներ և այծեր 160 -‘’-
Թռչուններ, ընդամենը, որից` 170 -‘’-
ածան հավեր 170.1 -‘’-
Ղեկավար/Անհատ ձեռնարկատեր՝ ______________________ __________________
(Ազգանուն, անուն) (Ստորագրություն)
Լրացնող (գլխավոր հաշվապահ կամ այլ
լիազորված անձ)՝
______________________
__________________
(Ազգանուն, անուն) (Ստորագրություն)
«__ __»___________ 20__թ. »:
Հավելված 2
Հայաստանի Հանրապետության
վիճակագրության պետական
խորհրդի 2023 թվականի
դեկտեմբերի 25-ի թիվ 68-Ն որոշման
«Հավելված 2
Հայաստանի Հանրապետության
վիճակագրության պետական
խորհրդի 2018 թվականի
նոյեմբերի 30-ի թիվ 71-Ն որոշման
Հ Ր Ա Հ Ա Ն Գ
«ԱՆԱՍՆԱԲՈՒԾՈՒԹՅԱՆ ՄԱՍԻՆ» ՁԵՎ 24-ԳՏ (ԱՄՍԱԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն հրահանգը կարգավորում է «Անասնաբուծության մասին» Ձև 24-ԳՏ (ամսական) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:
2. Հաշվետվությունը ներկայացնում են անասնաբուծությամբ զբաղվող իրավաբանական անձինք և անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:
3. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն ՀՀ էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման (տես՝ http://www.arlis.am/Annexes/4/GT30.1-13page1730-2124ink1392.doc հղումը):
4. Հաշվետվությունը ներկայացվում է Հայաստանի Հանրապետության վիճակագրական կոմիտե՝ Հաշվետվության ձևի վրա նշված ժամկետներում և պարբերականությամբ:
5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:
2. ԼՐԱՑՄԱՆ ԿԱՐԳԸ
6. «100» ծածկագրով տողում լրացվում է սպանդի համար իրացված, ինչպես նաև տեղում մորթված և օգտագործված գյուղատնտեսական կենդանու և թռչնի կենդանի քաշը:
7. «110» ծածկագրով տողում լրացվում է բոլոր կովերից, ծնած երինջներից, ինչպես նաև գոմեշներից կթված կաթի քանակը: Այդ տվյալներում ներառվում է նաև հորթերին խմեցնելու համար ծախսված կաթը և խեժը: Անմիջապես կովերից հորթերի ծծած կաթը հաշվի չի առնվում:
8. «120» ծածկագրով տողում լրացվում է հավերից ստացված ձուն:
9. «130» ծածկագրով տողում լրացվում է խուզված բուրդը (հաշվետու ամսում խուզից ստացված ոչխարի ամբողջ բուրդը ֆիզիկական քաշով, ներառյալ ներտնտեսային կարիքների համար օգտագործածը):
10. «140-170.1» ծածկագրերով տողերում լրացվում է տրվում հաշվետու ամսում առկա բոլոր հասակի, համապատասխան գյուղատնտեսական կենդանիների և թռչունների գլխաքանակը:»:
Պաշտոնական հրապարակման օրը՝ 29 դեկտեմբերի 2023 թվական: