ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
8 մայիսի 2024 թվականի N 663-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 18-Ի N 349-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով՝ Հայաստանի Հանրապետության կառավարությունը որոշում է.
1․ Հայաստանի Հանրապետության կառավարության 2004 թվականի մարտի 18-ի «Հիդրոօդերևութաբանական երևույթների և պրոցեսների մասին հույժ շտապ և ընդհանուր նշանակության տեղեկատվության ցանկը սահմանելու մասին» N 349-Ն որոշման 1-ին կետով հաստատված հավելվածը շարադրել նոր խմբագրությամբ՝ համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
փոխվարչապետ Տ. Խաչատրյան
Երևան
08.05.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ կառավարության 2024 թվականի
մայիսի 8-ի N 663-Ն որոշման
«Հավելված
ՀՀ կառավարության 2004 թվականի
մարտի 18-ի N 349-Ն որոշման
Ց Ա Ն Կ
ՀԻԴՐՈՕԴԵՐԵՎՈՒԹԱԲԱՆԱԿԱՆ ԵՐԵՎՈՒՅԹՆԵՐԻ ԵՎ ՊՐՈՑԵՍՆԵՐԻ ՄԱՍԻՆ ՀՈՒՅԺ ՇՏԱՊ ԵՎ ԸՆԴՀԱՆՈՒՐ ՆՇԱՆԱԿՈՒԹՅԱՆ ՏԵՂԵԿԱՏՎՈՒԹՅԱՆ
1. ՀՈՒՅԺ ՇՏԱՊ ՀԻԴՐՈՕԴԵՐԵՎՈՒԹԱԲԱՆԱԿԱՆ ՏԵՂԵԿԱՏՎՈՒԹՅՈՒՆ
1) ՕԴԵՐԵՎՈՒԹԱԲԱՆԱԿԱՆ ԵՐԵՎՈՒՅԹՆԵՐ
NN
ը/կ Տեղեկատվության անվանումը Տեղեկատվության բնութագիրը
1. Փոթորիկ քամու առավելագույն արագությունը
33 մ/վրկ և ավելի
2. Ուժեղ քամի (այդ թվում`
փոթորկանք) պոռթկումը 25 մ/վրկ և ավելի արագությամբ
կամ միջին արագությունը 20 մ/վրկ և ավելի
3. Պտտահողմ ուժեղ պտտահողմ սյան կամ ձագարի տեսքով
ուղղված ամպից դեպի երկրի մակերևույթ
4. Ուժեղ հորդառատ անձրև քանակը` 30 մմ և ավելի` մինչև 1 ժամվա ընթացքում
5. Երկարատև ուժեղ անձրև տեղումների քանակը` 50 մմ-ից ոչ պակաս` 12
ժամից ավելի, բայց 48 ժամից պակաս ժամանակահատվածում
6. Խոշոր կարկուտ մթնոլորտային պինդ տեղումներ՝ 10 մմ և ավելի տրամագծով
7. Շատ ուժեղ ձյուն քանակը` 20 մմ և ավելի` մինչև 12 ժամվա ընթացքում
8. Ուժեղ մառախուղ տեսանելիությունը` 50 մետրից ոչ ավելի
9. Ուժեղ մերկասառույցաջինջառային նստվածքներ լարերի վրա նստվածք լարերի վրա`
մերկասառույցի դեպքում` 20 մմ-ից ավելի շառավղով
ջինջառի դեպքում` 50 մմ-ից ավելի շառավղով
10. Ուժեղ բուք, այդ թվում` գետնաբուք 1 և ավելի ժամվա ընթացքում՝ 15 մ/վրկ և ավելի քամու պոռթկմամբ և 500 մետրից պակաս տեսանելիության պայմանով
11. Ձնահյուս լեռներից իջնող հյուս, որը զգալի վնաս է հասցնում օբյեկտներին կամ առաջացնում է բնակավայրերի համար վտանգավոր իրավիճակ
12. Արտակարգ հրդեհավտանգություն հրդեհավտանգության 4-րդ կարգ և ավելի (4000°C ավելի` ըստ Նեստերովի բանաձևի)
13. Սաստիկ սառնամանիքներ հովտային և նախալեռնային շրջաններում`
-20°C և ցածր լեռնային շրջաններում` -30° և ցածր
14. Սաստիկ շոգեր հովտային շրջաններում` 40°C և ավելի նախալեռնային շրջաններում` 35°C և ավելի լեռնային շրջաններում` 32°C և ավելի
2) ԱԳՐՈՕԴԵՐԵՎՈՒԹԱԲԱՆԱԿԱՆ ԵՐԵՎՈՒՅԹՆԵՐ
1. Ցրտահարություններ բույսերի վեգետացիայի ժամանակահատվածում ջերմաստիճանի նվազում 0°C-ից ցածր օդում կամ հողի մակերևույթին՝ օդի միջին օրական դրական ջերմաստիճանի պայմաններում
2. Հողի գերխոնավություն վեգետացիայի ժամանակահատվածում 10-12 սմ խորության վրա 10 օր և ավելի հողը գտնվում է կպչող և հոսող վիճակում
3. Խորշակ մշակաբույսերի վեգետացիայի շրջանում 3 օր անընդմեջ և ավելի օրական նույնիսկ մեկ դիտարկման ժամանակ ավելի քան 7 մ/վրկ արագության քամու առկայություն, որի դեպքում հարաբերական խոնավությունը իջնում է 30% և ցածր, իսկ ջերմաստիճանը բարձրանում է +25°C և ավելի
4. Մթնոլորտային երաշտ բույսերի վեգետացիայի ժամանակահատվածում արդյունավետ (օրվա ընթացքում ավելի քան 5 մմ) տեղումների բացակայությունն անընդմեջ 30 օրվանից ոչ պակաս ժամանակահատվածում 30°C-ից, իսկ 1800 մ և ավելի բարձրություններում 25°C-ից բարձր ջերմաստիճանի պայմաններում
5. Հողի երաշտ երևույթ, որի դեպքում բույսերի վեգետացիայի ժամանակահատվածում տեղումների բացակայության պայմաններում հողի 0-20 սմ շերտում 10 օր անընդմեջ արդյունավետ խոնավության պաշարները կազմում են մինչև 10 մմ
3) ՀԻԴՐՈԼՈԳԻԱԿԱՆ ԵՐԵՎՈՒՅԹՆԵՐ
1. Գետերում ջրի շատ բարձր ելքեր գարնանային վարարումների ընթացքում ձնհալքով և անձրևներով պայմանավորված՝ և (կամ) ամառ-աշնանային հորդացումների ժամանակ հորդառատ անձրևներով և կարճատև ձնհալքով պայմանավորված` ջրի ելքերի բարձրացում տվյալ գետի/դիտակետի բացարձակ առավելագույն ելքի 70 տոկոսից ավելիի
դեպքում
2. Հանկարծահաս հեղեղում համեմատաբար բարձր (պիկային) ելքերով կարճատև հեղեղում, ինչպես նաև այն տարածքների և օբյեկտների արագ ջրածածկումը, որոնք սովորաբար ջրի տակ չեն գտնվում (ճանապարհներ, շինություններ և այլն)
3. Սելավ առատ տեղումներով պայմանավորված` մեծա- քանակ ջրի հոսք, որը պարունակում է շատ մեծ քանակությամբ կախված և գլորվող կոշտ նյութեր և կարող է վնաս հասցնել բնակավայրերին, արդյունաբերական օբյեկտներին, մայրուղիներին,
ոռոգման համակարգերին և այլն
4. Գետերում ջրի շատ ցածր ելքեր տվյալ գետի/դիտակետի բացարձակ նվազագույն ելքի 90 տոկոսից ցածր ելքի դեպքում
4) ՌԱԴԻԱՑԻՈՆ ԵՐԵՎՈՒՅԹՆԵՐ
1. Ռադիացիայի մակարդակ 60 մկռ/ժամ և ավելի
2. Ռադիոակտիվ աերոզոլների
խտություն մթնոլորտում ռադիոակտիվ աերոզոլների
խտության գերազանցումը 3700.10-5 բկ/մ.3
2. ԸՆԴՀԱՆՈՒՐ ՆՇԱՆԱԿՈՒԹՅԱՆ ՀԻԴՐՈՕԴԵՐԵՎՈՒԹԱԲԱՆԱԿԱՆ ՏԵՂԵԿԱՏՎՈՒԹՅՈՒՆ
1. Նախորդ օրվա դիտված առավելագույն և նվազագույն ջերմաստիճանը, տեղումների քանակը, օդերևութաբանական
երևույթը, ամպամածությունը, ձյան ծածկի բարձրությունը
հանրապետության տարածքում
2. Արեգակի ճառագայթների ուլտրամանուշակագույն ինդեքսի կանխատեսում` ըստ մարզերի և Երևան քաղաքի համար յուրաքանչյուր աշխատանքային օր
3. Եղանակի կանխատեսումը
Հայաստանի Հանրապետության մարզերում և Երևան քաղաքում` 1 օրվա և մոտակա 5 օրվա համար եղանակի կարճաժամկետ և միջնաժամկետ
կանխատեսումներ
4. Երևան քաղաքի բազմամյա կլիմայական տվյալները յուրաքանչյուր աշխատանքային օր ամենօրյա հիդրոօդերևութաբանական տեղեկագրի տեսքով տրվում են հանրապետության տարածքում դիտված և կանխատեսվող հիդրոօդերևութաբանական երևույթների (տարրերի) մեծությունները 1-5 օրերի համար
5. Երկրի արհեստական արբանյակից ստացված ամպամածության պատկերը տվյալ պահին
6. Հելիոֆիզիկական և ռադիացիոն ռեժիմի (տվյալ և հաջորդ օրվա)
բնութագրերը
7. Սևանա լճի մակարդակ տրվում է ամենօրյա տեղեկատվություն Սևանա
լճի ջրի մակարդակի վերաբերյալ
8. Ըստ «Ծովինար» դիտակետի Արփա-Սևան ջրատարով Սևանա լիճ տեղափոխված ջրի քանակ տրվում է ամենօրյա տեղեկատվություն Արփա-
Սևան ջրատարով Սևանա լիճ տեղափոխված ջրի ծավալի վերաբերյալ
9. Ըստ «Գեղամավան» դիտակետի Սևանա լճից բաց թողնված ջրի քանակ տրվում է ամենօրյա տեղեկատվություն Սևանա
լճից իրականացված ջրառի ծավալի վերաբերյալ
10. Ջրամբարների ջրալցվածություն տրվում է ամենօրյա տեղեկատվություն ջրամբարներում առկա ջրի ծավալների վերաբերյալ
11. Գետերում ջրի ելքերը ըստ գետային դիտակետերի տրվում է ամենօրյա տեղեկատվություն գետերում նախորդ և ընթացիկ օրվա ջրի ելքերի վերաբերյալ
12. Հիդրոլոգիական կանխատեսումներ տրվում են ամենօրյա, տասնօրյակային, ամսական կտրվածքով գետերում ջրի ելքերի կանխատեսումներ
13. Ամսական
եղանակային պայմանների կանխատեսում ամսվա սկզբից 5-10 օր առաջ տրվում է հանրապետության տարածքի համար սպասվող ջերմային և տեղումների ռեժիմների կանխատեսումը
14. Սեզոնային
եղանակային պայմանների կանխատեսում եռամսյակի սկզբից 10-15 օր առաջ տրվում է հանրապետության տարածքի համար սպասվող ջերմային և տեղումների ռեժիմների կանխատեսումը
15. Ամսական տեսություններ` դիտված հիդրոօդերևութաբանական պայմանների մասին ամիսը վերջանալուց հետո 5 օրվա ընթացքում տրվում է տեղեկատվություն դիտված հիդրոօդերևութաբանական պայմանների մասին
16. Շաբաթական տեսություններ` դիտված հիդրոօդերևութա-բանական պայմանների մասին յուրաքանչյուր երկուշաբթի տրվում է տեղեկատվություն հանրապետությունում անցած շաբաթվա ընթացքում դիտված հիդրոօդերևութաբանական պայմանների մասին
17. Հայաստանի Հանրապետության գետերի գարնանային վարարումների տարրերի կանխատեսում ամեն տարի մարտի 3-րդ տասնօրյակին տրվում է հանրապետության գետերի գարնանային վարարումների հոսքի ծավալի, առավելագույն ելքերի, վեգետացիոն ժամանակահատվածի միջին ելքերի, Սևանա լիճ և խոշոր ջրամբարներ գարնանային վարարումների ընթացքում գետային ներհոսքի, 5 ջրամբարների (Արփի լիճ, Ախուրյան, Ապարան, Մարմարիկ, Ազատ) առավելագույն լցվածության, Սևանա լճի մակարդակի վերաբերյալ կանխատեսումներ, որոնք կազմվում են նախաձմեռային և ձմեռային ամիսների փաստացի, և վարարումների ժամանակաշրջանի կանխատեսվող հիդրոօդերևութաբանական պայմանների
վերլուծության հիման վրա
18. Սևանա լճի ջրային հաշվեկշիռ ամեն ամսվա և տարվա ավարտից հետո 15 օրվա ընթացքում տրվում է տեղեկատվություն Սևանա լճի ջրային հաշվեկշռի մուտքի և ելքի բաղադրիչների արժեքների և դրանց հարաբերակցության, ինչպես նաև լճի ձևաչափական բնութագրիչների
վերաբերյալ
19. Տեղեկանքներ և կանխատեսումներ աշնանացան ցորենի ցանքի, աճի, զարգացման փուլերի և վնասվածության
վերաբերյալ տրվում է հանրապետությունում դիտված և կանխատեսվող ջերմաստիճանների, տեղումների և խոնավության հիման վրա
20. Հացահատիկային մշակաբույսերի միջին բերքատվության կանխատեսումներ`
1) վեգետացիայի վերսկսման ժամանակ
2) ցողունակալման ժամանակ
3) մոմային հասունացման ժամանակ տեղեկատվությունը տրվում է 3 անգամ` հանրապետությունում դիտված և կանխատեսվող ջերմաստիճանների, տեղումների, խոնավության և ֆենոլոգիական փուլերի հիման վրա
21. Բանջարաբոստանային մշակաբույսերի և կարտոֆիլի միջին հանրապետական բերքատվության կանխատեսումներ տեղեկատվությունը տրվում է հանրապետությունում դիտված և կանխատեսվող ջերմաստիճանների, տեղումների, խոնավության և ֆենոլոգիական փուլերի հիման վրա։ Կանխատեսումները կատարվում են յուրաքանչյուր մշակաբույսի համար 1-3 ամիս վաղօրոքությամբ՝ պայմանավորված հանրապետության տարածքի բնակլիմայական և լանդշաֆտային պայմաններով, ինչպես նաև մշակաբույսերի սորտերի հասունացման ժամկետներով
22. Պտղատու, հատապտղատու մշակաբույսերի և խաղողի աճի զարգացման փուլերի և ժամկետների ու բերքատվության կանխատեսումներ տեղեկատվությունը տրվում է հանրապետությունում դիտված ջերմաստիճանների, տեղումների, խոնավության և ֆենոլոգիական փուլերի հիման վրա. կանխատեսումները կատարվում են 4 անգամ՝ մարտ-հուլիս ամիսներին
23. Տասնօրյակային ագրոտեղեկագրեր ներառում են տասնօրյակի ընթացքում դիտված օդերևութաբանական պայմաններ, մշակաբույսերի ցանքի, աճի, զարգացման և գյուղատնտեսական աշխատանքների վերաբերյալ տվյալներ
»:
Հայաստանի Հանրապետության
վարչապետի աշխատակազմի
ղեկավար Ա. Հարությունյան
08.05.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 8 մայիսի 2024 թվական: