ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
20 հունիսի 2024 թվականի N 928-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՍԵՊՏԵՄԲԵՐԻ 3-Ի N 1475-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը՝ Հայաստանի Հանրապետության կառավարությունը որոշում է.
1․ Հայաստանի Հանրապետության կառավարության 2020 թվականի սեպտեմբերի 3-ի «Հարկային և մաքսային մարմինների ծառայողական քննություն անցկացնող հանձնաժողովի անդամների թեկնածուների առաջարկման կարգը սահմանելու մասին» N 1475-Ա որոշման (այսուհետ՝ որոշում) մեջ կատարել հետևյալ փոփոխությունները՝
1) որոշման նախաբանում «օրենքի 4-րդ հոդվածի 9-րդ պարբերության» բառերը փոխարինել «օրենքի 4-րդ հոդվածի 1-ին մասի 5-րդ պարբերության» բառերով.
2) որոշման 1-ին կետով սահմանված հավելվածի (այսուհետ՝ հավելված) 1-ին կետում «օրենքի 4-րդ հոդվածի 9-րդ պարբերությամբ» բառերը փոխարինել «օրենքի 4-րդ հոդվածի 1-ին մասի 5-րդ պարբերությամբ» բառերով.
3) հավելվածի 4-րդ կետը շարադրել հետևյալ խմբագրությամբ․
«4. Սույն կարգի համաձայն հանձնաժողովի կազմում ընդգրկելու նպատակով կոմիտեի նախագահի առաջին տեղակալը, կոմիտեի նախագահի տեղակալները և կոմիտեի գլխավոր քարտուղարը կոմիտեի նախագահին են ներկայացնում սույն կարգի 6-րդ կետով նախատեսված չափանիշները բավարարող առավելագույնը երեքական թեկնածու, իսկ կոմիտեի նախագահի անմիջական ենթակայության տակ գտնվող կոմիտեի կառուցվածքային ստորաբաժանումների ղեկավարները՝ մեկական թեկնածու։».
4) հավելվածի 5-րդ կետը շարադրել հետևյալ խմբագրությամբ․
«5․ Կոմիտեի նախագահի առաջին տեղակալը, կոմիտեի նախագահի տեղակալները, կոմիտեի գլխավոր քարտուղարը և կոմիտեի կառուցվածքային ստորաբաժանումների ղեկավարները կարող են ներկայացնել նաև իրենց թեկնածությունները։»։
Հայաստանի Հանրապետության
վարչապետ Ն. Փաշինյան
Երևան
20.06.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ