ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ՆԱԽԱԳԱՀ
«24» հուլիսի 2024 թ. N 903-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2017 ԹՎԱԿԱՆԻ ՀՈՒԼԻՍԻ 27-Ի N 246-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածով և 34-րդ հոդվածի 1-ին մասով՝
Հրամայում եմ`
1. Հայաստանի Հանրապետության կառավարությանն առընթեր պետական եկամուտների կոմիտեի նախագահի 2017 թվականի հուլիսի 27-ի «Միասնական հաշվից գումարները վերադարձնելու դիմումի ձևը և լրացման կարգը հաստատելու մասին» N 246-Ն հրամանում (այսուհետ` հրաման) կատարել հետևյալ լրացումները և փոփոխությունները.
1) հրամանի վերնագրում, հրամանի 1-ին կետի 2-րդ ենթակետում և հրամանով հաստատված N 2 հավելվածում «միասնական հաշվից» բառերից հետո լրացնել «կամ վարչական ակտի միասնական հաշվից» բառերով,
2) հրամանի N 2 հավելվածում`
ա. առաջին աղյուսակի 4-րդ կետն ուժը կորցրած ճանաչել,
բ. «միասնական հաշվում առկա» բառերը փոխարինել «միասնական հաշվում կամ վարչական ակտի միասնական հաշվում առկա» բառերով,
գ. երկրորդ աղյուսակի երկրորդ սյունակում «, որին պետք է փոխանցել վերադարձման ենթակա գումարը» բառերը փոխարինել «կամ կենտրոնական գանձապետարան» բառերով, իսկ նույն աղյուսակի երրորդ սյունակում «, որին պետք է փոխանցել վերադարձման ենթակա գումարը» բառերը փոխարինել «կամ գանձապետական հաշիվը կամ միասնական հաշիվը կամ վարչական ակտի միասնական հաշիվը» բառերով,
դ. հարկ վճարողին միասնական հաշվից գումարները վերադարձնելու դիմումի լրացման կարգի 6-րդ կետում «գումարը» բառից հետո լրացնել «, կամ կենտրոնական գանձապետարանը» բառերով, իսկ նույն կարգի 7-րդ կետում «բանկային հաշվի համարը» բառերից հետո լրացնել «կամ գանձապետական հաշիվը կամ միասնական հաշիվը կամ վարչական ակտի միասնական հաշիվը» բառերով:
2. Սույն հրամանն ուժի մեջ է մտնում 2025 թվականի հունվարի 1-ից:
Ռ. ԲԱԴԱՍՅԱՆ
7/24/2024
Պաշտոնական հրապարակման օրը՝ 29 հուլիսի 2024 թվական: