ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
13 մայիսի 2014 թվականի թիվ 61 քաղ. Մոսկվա
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ 2013 ԹՎԱԿԱՆԻ ԴԵԿՏԵՄԲԵՐԻ 2-Ի ԹԻՎ 283 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Եվրասիական տնտեսական հանձնաժողովի մասին» 2011 թվականի նոյեմբերի 18-ի պայմանագրի 19-րդ հոդվածին համապատասխան՝ Եվրասիական տնտեսական հանձնաժողովի կոլեգիան որոշեց.
Եվրասիական տնտեսական հանձնաժողովի կոլեգիայի 2013 թվականի դեկտեմբերի 2-ի թիվ 283 որոշման մեջ կատարել հետևյալ փոփոխությունները՝
ա) նշված որոշմամբ հաստատված՝ «Մաքսային միության մաքսային սահմանին հսկիչ մարմինների փոխգործակցության հարցերով խորհրդատվական կոմիտեի մասին» հիմնադրույթի 2-րդ կետի երկրորդ պարբերությունը «ստորաբաժանումների» բառից հետո լրացնել «և 2-ական ներկայացուցիչ բելառուսաղազախառուսական գործարար համայնքից՝ յուրաքանչյուր անդամ պետությունից» բառերով.
Մաքսային միության և Միասնական տնտեսական տարածքի անդամ պետությունների գործադիր իշխանության այն մարմինների ցանկի II բաժնի 3-րդ կետը, որոնց լիազորված ներկայացուցիչները ներառվում են նշված որոշմամբ հաստատված՝ Մաքսային միության մաքսային սահմանին հսկիչ մարմինների փոխգործակցության հարցերով խորհրդատվական կոմիտեի կազմում, շարադրել հետևյալ խմբագրությամբ՝
«3. Ղազախստանի Հանրապետության`սպառողների իրավունքների պաշտպանության հարցերով գործակալություն։»։
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական
հանձնաժողովի կոլեգիայի նախագահ՝ Վ. Խրիստենկո
Պաշտոնական հրապարակման օրը՝ 7 ապրիլի 2025 թվական: