ՀՀ ՖԻՆԱՆՍՆԵՐԻ
ՆԱԽԱՐԱՐՈՒԹՅՈՒՆ
10 մայիսի 1994 թ.
թիվ 1-3 ՀՀ ՀԱՐԿԱՅԻՆ ՊԵՏԱԿԱՆ
ՏԵՍՉՈՒԹՅՈՒՆ
10 մայիսի 1994 թ.
թիվ 01364/3-3
ՀՀ ֆինանսների նախարարությունը և ՀՀ հարկային պետական տեսչությունը նկատի ունենալով վճարովի ուսուցման ուսումնական հաստատություններում ֆինանսատնտեսական գործունեության կազմակերպման որոշակի առանձնահատկությունները և այդ առումով իրացման ցուցանիշի հաշվարկման կարգի վերաբերյալ տեղերից ստացվող բազմաթիվ հարցումները պարզաբանում են հետևյալը.
1. Վճարովի ուսուցմամբ ուսումնական հաստատությունների կողմից մատուցված ծառայությունների (ուսուցման կազմակերպում, կադրերի պատրաստում և այլն) իրացման շրջանառությունը ձևակերպվում է ծառայությունների մատուցմանը զուգընթաց` ըստ ամիսների (եռամսյակի), անկախ այդ ծառայությունների դիմաց վճարման (ուսման վարձի վճարման) ժամանակի:
2. Հաշվետու ժամանակաշրջանում մատուցված ծառայությունների ծավալը որոշվում է մեկ ուսանողի համար սահմանված ուսման վարձի չափից և ուսանողների փաստացի ցուցակային թվաքանակից ելնելով:
3. Ուսումնական տարվա սկզբում ուսման վարձի դիմաց վճարված գումարները ձևակերպվում են որպես «գալիք ժամանակաշրջանի եկամուտներ» և դուրս են գրվում սույն կարգով նախատեսված իրացման ձևակերպմանը համամասնորեն:
4. Ուսանողի հետ կնքված պայմանագրով նախատեսված պայմանները ուսանողի կողմից խախտելու պատճառով` ուսանողի հետ պայմանագիրը վաղաժամկետ դադարեցնելու դեպքում, կանխավճարային կարգով ուսանողի մուծած ուսման վարձի մնացորդը (որը դեռ սահմանված կարգով չի ձևակերպվել որպես իրացում) հաշվետու ժամանակաշրջանում ձևակերպվում է որպես իրացում` ամբողջ մնացորդային գումարի չափով:
5. Սույն կարգը գործողության մեջ է դրվում 1994-95 թթ. ուսումնական տարվանից:
ՀՀ ՖԻՆԱՆՍՆԵՐԻ ՆԱԽԱՐԱՐԻ
ԱՌԱՋԻՆ ՏԵՂԱԿԱԼ
Վ. ԱՎԱՆԵՍՅԱՆ ՀՀ ՀԱՐԿԱՅԻՆ ՊԵՏԱԿԱՆ
ՏԵՍՉՈՒԹՅաՆ ՊԵՏԻ ՏԵՂԱԿԱԼ
Պ. ՍԱՖԱՐՅԱՆ