ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ
Հ Ր Ա Մ Ա Ն
«03» հուլիսի 2025 թ. N 55-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ 2025-2026 ՈՒՍՈՒՄՆԱԿԱՆ ՏԱՐՎԱ ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Կրթության մասին» օրենքի 37-րդ հոդվածի 3.4-րդ կետը՝
ՀՐԱՄԱՅՈՒՄ ԵՄ
1. Հաստատել երաժշտական, արվեստի, գեղարվեստի և պարարվեստի դպրոցների 2025-2026 ուսումնական տարվա օրինակելի ուսումնական պլանները` համաձայն հավելվածի:
7/3/2025
Ժ. ԱնդրեասՅԱՆ
Հավելված
Հայաստանի Հանրապետության
կրթության, գիտության, մշակույթի
և սպորտի նախարարի 2025 թվականի
հուլիսի 3-ի N 55-Ն հրամանի
ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆՆԵՐ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ 2025-2026 ՈՒՍՈՒՄՆԱԿԱՆ ՏԱՐՎԱ
1․ ԸՆԴՀԱՆՐԱԿԱՆ ՊԱՐԶԱԲԱՆՈՒՄՆԵՐ
1. Հայաստանի Հանրապետության երաժշտական, արվեստի, գեղարվեստի և պարարվեստի դպրոցներում (այսուհետ` Դպրոց) ուսումնական տարին, ինչպես նաև աշնանային, ձմեռային և գարնանային արձակուրդները մեկնարկում են պետական հանրակրթական ուսումնական հաստատությունների համար նախատեսված ժամկետներին համապատասխան:
2. Ուսումնական տարվա տևողությունը 34-40 շաբաթ է, ուսումնական տարին բաժանվում է կիսամյակների:
3. Ելնելով մասնագիտական առանձնահատկություններից և շենքային պայմաններից՝ կարող է սահմանվել վեցօրյա ուսումնական շաբաթ:
4. Առարկաների և դասաժամերի քանակը ուսումնական պլանում կարող է ընդլայնվել` ելնելով դպրոցի ֆինանսական հնարավորություններից:
5. Ուսումնադաստիարակչական աշխատանքների կազմակերպման հիմնական ձևերն են անհատական և խմբային պարապմունքները:
6. Անհատական դասի տևողությունը` 45, խմբայինը` 40 րոպե է:
7. Դպրոցի սովորողների (այսուհետ՝ սովորող) գիտելիքների գնահատումը կատարվում է ուսումնական պլանով նախատեսված առարկաների մասով յուրաքանչյուր կիսամյակի վերջում կազմակերպվող տարբերակված ստուգարքներով, ինչպես նաև քննություններով, որի ժամանակացույցը ներկայացված է համապատասխան աղյուսակներում:
8. Տարբերակված ստուգարքների, քննությունների, ինչպես նաև վերաքննության և ավարտական քննությունների անցկացման համար Դպրոցի տնօրենի հրամանով հաստատվում է քննաշրջանի ժամանակացույցը և հանձնաժողովների կազմը: Հանձնաժողովի կազմում ընդգրկվում են առնվազն ոլորտային երեք մասնագետ:
9. Քննությունը գնահատվում է գնահատման 10 միավորային համակարգով, գնահատականը համարվում է բավարար՝ 3, 4, 5, լավ՝ 6, 7, 8 և գերազանց՝ 9, 10 միավորների դեպքում:
10. Փոխադրական քննությունը և տարբերակված ստուգարքը անբավարար ստանալու դեպքում, տվյալ առարկայի համար կազմակերպվում է վերաքննություն՝ նոր ուսումնական տարվա մեկնարկից առաջ՝ օգոստոսի 15-25-ն ընկած ժամանակահատվածում: Սույն դրույթը չի վերաբերում «Համույթ», «Երգչախումբ», «Նվագախումբ», «Մարմնամարզություն» առարկաներին, որոնց ստուգարքը գնահատվում է «ստուգված»՝ նշված առարկաների հաճախումների առնվազն 75 տոկոսի դեպքում:
11. Վերաքննության, ինչպես նաև ավարտական քննությունների քննական հանձնաժողովի կազմը և ժամանակացույցը Դպրոցը համաձայնեցնում է Դպրոցի կառավարումն իրականացնող լիազոր մարմնի (այսուհետ՝ Լիազոր մարմին) հետ՝ քննությունների անցկացումից առնվազն 10 օր առաջ:
12. Փոխադրական քննությունը կամ ստուգարքը անբավարար ստանալու դեպքում, կամ ուսումնական տարվա ընթացքում ընդհանուր 60 և ավելի, կամ մեկ առարկայից ընդհանուր 16 և ավելի դասաժամ անհարգելի բացակայություն ունեցող սովորողը չի փոխադրվում հաջորդ դասարան և կրկնում է տվյալ ուսումնական տարվա դասընթացը:
13. Սովորողի բացակայությունների հաշվառումն իրականացվում է ուսումնական տարվա ընթացքում և ամփոփվում է ուսումնական պարապմունքների ավարտից առավելագույնը 10 օր առաջ:
14. Դպրոցի և սովորողի ծնողի (նրա օրինական ներկայացուցչի) փոխադարձ համաձայնությամբ՝ սովորողի անհատական պարապմունքների անընդմեջ մինչև 16 դասաժամ հարգելի բացակայության դասաժամերը կարող են համալրվել՝ Դպրոցի կողմից առաջարկված ժամանակացույցի համաձայն:
15. Դրսեկության ձևով (էքստեռն) դասարանից հաջորդ դասարան վաղաժամկետ փոխադրումը կազմակերպվում է ուսումնական պլանով նախատեսված ստուգարքների և քննությունների հանձնման, սովորողի գերազանց առաջադիմության, Դպրոցի մանկավարժական խորհրդի որոշմամբ և Լիազոր մարմնի թույլտվության դեպքում:
16. Ուսումնառության ամբողջ ժամանակահատվածում սովորողը դասարանից հաջորդ դասարան վաղաժամկետ կարող է փոխադրվել միայն մեկ անգամ:
17. Դրսեկության ձևով (էքստեռն) Դպրոցում ընդունելության կազմակերպման գործընթացն իրականացվում է մինչև նոր ուսումնական տարվա մեկնարկը՝ Դպրոցի երկրորդ կամ երրորդ դասարաններում, Լիազոր մարմնի համաձայնությամբ, տվյալ դասարան փոխադրվելու համար նախատեսված ստուգարքներն ու քննությունները հանձնելու դեպքում:
18. Դպրոցից Դպրոց սովորողի տեղափոխությունը կարող է իրականացվել ուսումնական տարվա ընթացքում՝ համապատասխան Լիազոր մարմնի համաձայնությամբ:
19. Սովորողի ծնողի (նրա օրինական ներկայացուցչի) դիմումի հիման վրա սովորողին կարող է տրամադրվել երկարաժամկետ (ակադեմիական) արձակուրդ՝ մեկ տարի ժամկետով:
20. Դպրոցի ավարտական վկայական ստանում են այն շրջանավարտները, որոնք հանձնել են ավարտական ստուգարքներն ու քննությունները, հաճախել են ուսումնական պլանով նախատեսված բոլոր դասաժամերի առնվազն 70%-ը: Սույն դրույթը չի վերաբերում 16-րդ կետի համաձայն դպրոց ընդունված շրջանավարտներին:
21. Դպրոցում վճարովի հիմունքներով կարող է կազմակերպվել նախադպրոցական, հետդպրոցական, ինչպես նաև ընդհանուր գեղագիտական զարգացման գծով ուսումնառություն: Դասավանդվող առարկաների ցանկը հաստատում է դպրոցի մանկավարժական խորհուրդը:
22. Տեսական առարկաների (սոլֆեջո, երաժշտական գրականություն, արվեստի պատմություն, երաժշտական գրագիտություն և ունկնդրում) խմբային պարապմունքների մեկ խմբում ընդգրկված սովորողների թվաքանակը սահմանվում է 6-12: Առանձին դեպքերում, փոքր համակազմ ունեցող Դպրոցում այն կարող է բաղկացած լինել` սկսած 3 սովորողից:
23. Լիազոր մարմնի որոշմամբ՝ Դպրոցում ուսուցումը կարող է կազմակերպվել հեռավար եղանակով:
24. Օրինակելի ուսումնական պլանի աղյուսակներում ներկայացված են տվյալ մասնագիտության ուսուցման առարկաների ցանկը և նվազագույն դասաժամերը, որոնք պարտադիր են ավարտական ստուգարքներին և քննություններին մասնակցության համար, եթե «Լրացուցիչ պարզաբանումներ» բաժնում այլ բան նախատեսված չէ:
25. Օրինակելի ուսումնական պլանի «Լրացուցիչ պարզաբանումներ» մասում ներկայացված է տվյալ բաժնում ուսուցման կազմակերպման գործընթացի մանրամասն նկարագիրը:
Աղյուսակ 1
ԴԱՇՆԱՄՈՒՐ
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Հիմնական առարկա 2 2 2 2 2 2 2 IV, VII
Սոլֆեջո 1.5 1.5 1.5 1.5 1.5 1.5 2 IV, VII
Երաժշտական գրականություն 1.5 1.5 1.5 1.5 VII
Երգչախումբ 1 1 1 1 2 2 2
Ընտրովի 1 1 1 1 1 0.5
Ընդամենը շաբաթական 4.5 5.5 5.5 7 8 8 8
Աղյուսակ 2
ԼԱՐԱՅԻՆ ԳՈՐԾԻՔՆԵՐ
(Ջութակ, թավջութակ)
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Հիմնական առարկա 2 2 2 2 2 2 2 IV, VII
Սոլֆեջո 1.5 1.5 1.5 1.5 1.5 1.5 2 IV, VII
Երաժշտական գրականություն 1.5 1.5 1.5 1.5 VII
Երգչախումբ կամ նվագախումբ կամ համույթ 1 1 1 1 2 2 2
Ընտրովի 1 1 1 1 1 0.5
Ընդամենը շաբաթական 4.5 5.5 5.5 7 8 8 8
Աղյուսակ 3
ԵՐԳԵՑՈՂՈՒԹՅՈՒՆ
(դասական, ժողովրդական, էստրադային)
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Հիմնական առարկա 1.5 1.5 1.5 1.5 1.5 2 2 IV, VII
Սոլֆեջո 1.5 1.5 1.5 1.5 1.5 1.5 2 IV, VII
Երաժշտական գրականություն 1.5 1.5 1.5 1.5 VII
երգչախումբ 1 1 1 2 2 2
Ընտրովի 1 1 1 1 1 1 0.5
Ընդամենը շաբաթական 4 5 5 6.5 7.5 8 8
Աղյուսակ 4
ԵՐԳԵՑՈՂՈՒԹՅՈՒՆ
(դասական, ժողովրդական, էստրադային)
(9-12 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V
Հիմնական առարկա 1.5 1.5 1.5 2 2 III, V
Սոլֆեջո 1.5 1.5 1.5 1.5 2 III, V
Երաժշտական գրականություն 1.5 1.5 1.5 1.5 V
երգչախումբ 1 2 2 2
Ընտրովի 1 1 1 1 0.5
Ընդամենը շաբաթական 4 6.5 7.5 8 8
Աղյուսակ 5
ՓՈՂԱՅԻՆ ԵՎ ԱԶԳԱՅԻՆ ՆՎԱԳԱՐԱՆՆԵՐ, ՀԱՐՎԱԾԱՅԻՆ ԳՈՐԾԻՔՆԵՐ, ԱԿՈՐԴԵՈՆ, ՏԱՎԻՂ, ԿԻԹԱՌ
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Հիմնական առարկա 2 2 2 2 2 2 2 IV, VII
Սոլֆեջո 1.5 1.5 1.5 1.5 1.5 1.5 2 IV, VII
Երաժշտական գրականություն 1.5 1.5 1.5 1.5 VII
Երգչախումբ կամ նվագախումբ կամ համույթ 1 1 1 1 2 2 2
Ընտրովի 1 1 1 1 1 0.5
Ընդամենը շաբաթական 4.5 5.5 5.5 7 8 8 8
Աղյուսակ 6
ՓՈՂԱՅԻՆ ԵՎ ԱԶԳԱՅԻՆ ՆՎԱԳԱՐԱՆՆԵՐ, ՀԱՐՎԱԾԱՅԻՆ ԳՈՐԾԻՔՆԵՐ, ԱԼՏ, ԿՈՆՏՐԱԲԱՍ, ՏՈՒԲԱ, ԱԿՈՐԴԵՈՆ, ՏԱՎԻՂ, ԿԻԹԱՌ
(9-12 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V
Հիմնական առարկա 2 2 2 2 2 III, V
Սոլֆեջո 1.5 1.5 1.5 1.5 2 III, V
Երաժշտական գրականություն 1.5 1.5 1.5 1.5 V
Երգչախումբ կամ նվագախումբ կամ համույթ 1 1 2 2 2
Ընտրովի 1 1 1 0.5
Ընդամենը շաբաթական 4.5 7 8 8 8
2․ ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ
1. Երաժշտարվեստի բաժիններում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:
2. «Հիմնական առարկա» և «Ընտրովի» առարկաների ուսուցումը կազմակերպվում է անհատական, իսկ «Սոլֆեջո», «Երաժշտական գրականություն» և «Համույթ կամ նվագախումբ կամ երգչախումբ» առարկաների ուսուցումը` խմբային պարապմունքների եղանակով, բացառությամբ «Ազգային նվագարաններ» բաժնի «Դհոլ» երաժշտական գործիքի «Հիմնական առարկա» դասաժամերի, որի 50%-ը հատկացվում է անհատական, 50%-ը՝ 3-6 սովորողից բաղկացած խմբային պարապմունքների համար:
3. «Երգեցողություն» բաժնի «Հիմնական առարկա» դասաժամի տևողությունը սահմանվում է 40 րոպե:
4. «Համույթ» առարկայի ուսուցումը կազմակերպվում է 3-12, «Նվագախումբ»-ը՝ 13-25, իսկ «Երգչախումբ»-ը՝ 20-35 սովորողներից բաղկացած խմբային պարապմունքներով:
5. Ելնելով դպրոցի ֆինանսական հնարավորություններից, ինչպես նաև «Համույթ» և «Նվագախումբ» առարկաների պարապմունքների առանձնահատկություններից` «Համույթ» առարկայի համար 12 և «Նվագախումբ» առարկայի համար 19 սովորողներից բաղկացած խմբի պարապմունքների համար կարող է սահմանվել մեկ միավոր համույթի և նվագախմբի ղեկավարների համար (նշված թվաքանակից ցածր կամ բարձր կազմերի դեպքում՝ համամասնորեն նվազեցնելով կամ ավելացնելով հատկացվող միավորը): Նույն հիմքով և սկզբունքով՝ 27 սովորողից բաղկացած երգչախմբի ղեկավարի և նվագակցողի համար սահմանել համապատասխանաբար 1 և 0.5-1 միավոր: Նշված գործընթացը կազմակերպվում է Լիազոր մարմնի համաձայնությամբ:
6. «Համույթ», «Նվագախումբ» կամ «Երգչախումբ» առարկայի բաշխումն ըստ սովորողների իրականացվում է Դպրոցի կողմից: «Համույթ» և «Նվագախումբ» առարկաների պարապմունքները 7-ամյա կրթության պարագայում իրականացվում են 3-րդ, իսկ 5-ամյա կրթության դեպքում՝ 2-րդ դասարանից:
7. «Ընտրովի» առարկայի դասաժամերը հատկացվում են հետևյալ առարկաների պարապմունքների համար՝ այլ երաժշտական գործիք, երգեցողություն, ընդհանուր դաշնամուր, թերթից ընթերցում, կոմպոզիցիա, ինչպես նաև նվագակցություն և գործիքային դուետ (բարձր դասարանների սովորողների համար): «Ընտրովի» առարկաների ցանկը հաստատում է դպրոցի մանկավարժական խորհուրդը:
8. Ելնելով դպրոցի շենքային պայմաններից, ինչպես նաև՝ դպրոցի նյութատեխնիկական համապատասխան հագեցվածության պարագայում՝ «Ընտրովի» առարկայի 0.5 դասաժամը կարող է հատկացվել «Ընդհանուր դաշնամուր» առարկայի պարապմունքների համար: «Երգեցողություն» բաժնի համար նախատեսված «Ընտրովի» առարկայի դասաժամերը հատկացվում են «Ընդհանուր դաշնամուր» առարկային:
9. «Հիմնական առարկա» (բացի դաշնամուր, տավիղ, ակորդեոն, դհոլ, կիթառ երաժշտական գործիքներից) դասաժամի անցկացման համար հատկացվում են դաշնամուրային նվագակցության ժամեր՝ ուսումնական տարվա համար՝ 20-40 ժամի չափով: «Դաշնամուր» բաժնում նվագակցության դասաժամերը (կոնցերտային նվագակցություն/ իլյուստրացիա) տրամադրվում են 4-7-րդ դասարանների սովորողների համար՝ ուսումնական տարվա համար՝ 20 ժամի չափով:
10. Լրացուցիչ վարձավճարով երաժշտարվեստի բաժնի սովորողները կարող են ստանալ հավելյալ ուսումնառություն՝ այլ հիմնական առարկայի (երկրորդ գործիք/ երգեցողություն) գծով:
11. «Ալտ», «Կոնտրաբաս», «Տուբա» երաժշտական գործիքների ուսուցումը նպատակահարմար է կազմակերպել բարձր դասարանների սովորողների համար, կամ 5-ամյա կրթության դեպքում՝ 12-13 տարեկան երեխաների ընդունելության կազմակերպման միջոցով:
Աղյուսակ 7
ԿԵՐՊԱՐՎԵՍՏ
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Կերպարվեստի հիմունքներ և նկարչություն 2 2 2
Կիրառական արվեստի հիմունքներ 2 2 2
Ծեփագործություն 2 2 2
Գծանկար 3 3 4 4 VII
Գունանկար 3 3 3 3 VII
Կոմպոզիցիա (ստեղծագործական թեմատիկ
նկարչություն) հաստոցային/կիրառական 2/1 2/1 2/1 2/1 VII
Քանդակ կամ կիրառական արվեստ 2 2 1 1 VII
Արվեստի պատմություն. Կերպարվեստ 1 1 1 1
Ընդամենը շաբաթական 6 6 6 12 12 12 12
Աղյուսակ 8
ԿԵՐՊԱՐՎԵՍՏ
(9-12 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV
Գծանկար 3 3 4 4 IV
Գունանկար 3 3 3 3 IV
Կոմպոզիցիա (ստեղծագործական թեմատիկ
նկարչություն) հաստոցային/կիրառական 2/1 2/1 2/1 2/1 IV
Քանդակ կամ կիրառական արվեստ 2 2 1 1 IV
Արվեստի պատմություն.Կերպարվեստ 1 1 1 1
Ընդամենը շաբաթական 12 12 12 12
3․ ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ
1. Կերպարվեստի բաժնում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 4-ամյա կրթության դեպքում՝ 9-12 տարեկան երեխաների համար
2. Դպրոցի հայեցողությամբ «Կոմպոզիցիա» առարկայի ավարտական քննությունը կարող է կազմակերպվել հաստոցային կամ կիրառական ձևերից մեկով:
3. Խմբային պարապմունքների մեկ խմբում ընդգրկված սովորողների թվաքանակը սահմանվում է 6-12: Առանձին դեպքերում, փոքր համակազմ ունեցող Դպրոցում այն կարող է բաղկացած լինել` սկսած 3 սովորողից:
4. Ուսումնական պլանի դասաժամերից բացի, անհրաժեշտ է նախատեսել`
1) դասաժամեր համադպրոցական միջոցառումների նախապատրաստման համար՝ շաբաթական 0.25 դասաժամի հաշվարկով.
2) պլեներային աշխատանքի դասաժամեր՝ յուրաքանչյուր խմբի համար շաբաթական մինչև 1,5 դասաժամի հաշվարկով:
5. Ելնելով Դպրոցի շենքային պայմաններից, ֆինանսական և նյութատեխնիկական հագեցվածության հնարավորություններից՝ բարձր դասարաններում յուրաքանչյուր խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` հեռանկարչություն, անատոմիա, գրաֆիկա, համակարգչային գրաֆիկա: «Ընտրովի» առարկաների ցանկը հաստատում է դպրոցի մանկավարժական խորհուրդը:
Աղյուսակ 9
ՊԱՐԱՐՎԵՍՏ
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Դասական պար 4.5 4.5 4.5 4.5 4.5 VII
Հայկական ժողովրդական պար 2 2 2 2 2 VII
Ժամանակակից պար 1 1 1 1 VII
Պատմակենցաղային պար 2
Ժողբնորոշ պար 1.5 1.5 1.5 VII
Ռիթմիկա և պար 4 4
Մարմնամարզություն 1.5 2 1 1 1 1 1
Երաժշտական գրագիտություն 1 1 1 1 1
Արվեստի պատմություն. Պարարվեստ 1 1 1 1
Ընդամենը շաբաթական 5.5 6 10.5 10.5 12 12 12
Աղյուսակ 10
ՊԱՐԱՐՎԵՍՏ
(9-12 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V
Դասական պար 4.5 4.5 4.5 4.5 4.5 V
Հայկական ժողովրդական պար 2 2 2 2 2 V
Ժամանակակից պար 1 1 1 1 V
Պատմակենցաղային պար 2
Ժողբնորոշ պար 1.5 1.5 1.5 V
Մարմնամարզություն 1 1 1 1 1
Երաժշտական գրագիտություն 1 1 1 1 1
Արվեստի պատմություն. Պարարվեստ 1 1 1 1
Ընդամենը շաբաթական 10 10.5 12 12 12
4․ ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ
1. Պարարվեստի բաժնում ընդունելությունը կազմակերպվում է 6-8 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:
2. Բոլոր առարկաները ուսուցանվում են խմբային պարապմունքների եղանակով:
3. «Դասական պար», «Հայկական պար», «ժամանակակից պար», «Պատմակենցաղային պար», «ժողովուրդներին բնորոշ բեմական պար» առարկաների պարապմունքների մեկ խմբում ներգրավված սովորողների թվաքանակը սահմանվում է 8-12, իսկ «Ռիթմիկա և պար», «Մարմնամարզություն» /պարտեր/ առարկաների խմբերում՝ 10-16: Առանձին դեպքերում առարկաների ուսուցումը կարող է իրականացվել առանձնացված՝ տղաների և աղջիկների խմբերով (տղաների խմբում թվաքանակը թույլատրելի է` սկսած 4-ից):
4. Ուսումնական պլանի դասաժամերից բացի, անհրաժեշտ է նախատեսել`
1) դասաժամեր նախաելույթային փորձերի և միջոցառումների նախապատրաստման համար՝ շաբաթական 1 դասաժամի հաշվարկով.
2) դասաժամեր «Բեմական փորձառություն» առարկայի պարապմունքների համար՝ շաբաթական 2 դասաժամի հաշվարկով.
3) նվագակցության ժամեր՝ «Բեմական փորձառություն», Աղյուսակ 9-ի 1-7-րդ կետերի և Աղյուսակ 10-ի 1-6-րդ կետերի առարկաների պարապմունքների համար՝ նշված դասաժամերին համապատասխան.
5. Ելնելով Դպրոցի շենքային պայմաններից, նյութատեխնիկական հագեցվածության և ֆինանսական հնարավորություններից՝ բարձր դասարաններում յուրաքանչյուր սովորողի կամ խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` երաժշտական գործիք, մեներգեցողություն (անհատական), ստեպ, դերասանի վարպետություն (խմբային): «Ընտրովի» առարկաների ցանկը հաստատում է դպրոցի մանկավարժական խորհուրդը:
Աղյուսակ 11
ԹԱՏԵՐԱՐՎԵՍՏ
(6-9 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V VI VII
Դերասանի վարպետություն 2 2 2 2 2 3 3 IV, VII
Բեմական խոսք 1 1 1 1.5 1.5 1.5 1.5 IV, VII
Բեմական շարժում 1 1 1 1
Արվեստի պատմություն. Թատրոն 1 1 1 1
Ռիթմիկա 1 1
Պար 1 1 1 1 1
Երաժշտական գրագիտություն 1 1 1 1 1
Ընդամենը շաբաթական 4 4 4.5 7.5 7.5 8.5 8.5
Աղյուսակ 12
ԹԱՏԵՐԱՐՎԵՍՏ
(9-12 տարեկանը ներառյալ դպրոց ընդունվող երեխաների համար)
Առարկայի անվանումը Ուսումնառության տարի քննություն
Շաբաթական դասաժամերի քանակը
I II III IV V
Դերասանի վարպետություն 2 2 2 3 3 V
Բեմական խոսք 1 1.5 1.5 1.5 1.5 V
Բեմական շարժում 1 1 1 1
Արվեստի պատմություն. Թատրոն 1 1 1 1
Ռիթմիկա 1
Պար 1 1 1 1
Երաժշտական գրագիտություն 1 1 1 1 1
Ընդամենը շաբաթական 5 7.5 7.5 8.5 8.5
5․ ԼՐԱՑՈՒՑԻՉ ՊԱՐԶԱԲԱՆՈՒՄՆԵՐ
1. Թատերարվեստի բաժնում ընդունելությունը կազմակերպվում է 6-9 տարեկան երեխաների համար՝ 7-ամյա կրթության դեպքում, իսկ 5-ամյա կրթության դեպքում՝ 9-12 տարեկան երեխաների համար:
2. Բոլոր առարկաները ուսուցանվում են խմբային պարապմունքների եղանակով:
3. Խմբային պարապմունքների խմբերի սովորողների թվաքանակը սահմանվում է 6-12 սովորող, «Բեմական խոսք» առարկայի համար` մինչև 5 սովորող:
4. Ուսումնական պլանի դասաժամերից բացի, անհրաժեշտ է նախատեսել`
1) դասաժամեր նախաելույթային փորձերի և միջոցառումների նախապատրաստման համար՝ շաբաթական 1 դասաժամի հաշվարկով.
2) դասաժամեր «Բեմական փորձառություն» առարկայի պարապմունքների համար՝ շաբաթական 2 դասաժամի հաշվարկով.
3) Նվագակցողին հատկացվող ժամեր՝ շաբաթական առնվազն 0.25 ժամի չափով՝ «Ընտրովի» առարկայի համար (բացի դաշնամուր, ակորդեոն, դհոլ, կիթառ գործիքների):
5. Ելնելով Դպրոցի շենքային պայմաններից, նյութատեխնիկական հագեցվածության և ֆինանսական հնարավորություններից՝ յուրաքանչյուր սովորողի կամ խմբի համար կարող է պլանավորվել շաբաթական 0.5-1 ժամ «Ընտրովի» առարկա: «Ընտրովի» առարկաներն են` երաժշտական գործիք, մեներգեցողություն (անհատական), գեղարվեստական խոսք, տիկնիկային թատրոն, (խմբային) և այլն: «Ընտրովի» առարկաների ցանկը հաստատում է դպրոցի մանկավարժական խորհուրդը:
Պաշտոնական հրապարակման օրը՝ 8 հուլիսի 2025 թվական: