Հոդված 8. Մաքսային միության անդամ պետությունների շուկայում արտադրանքի շրջանառության միասնական նշանով մակնշումը
Հոդված 8. Մաքսային միության անդամ պետությունների շուկայում արտադրանքի շրջանառության միասնական նշանով մակնշումը
1. Անվտանգության պահանջներին համապատասխանող և սույն Տեխնիկական կանոնակարգի 7-րդ հոդվածի համաձայն համապատասխանության հավաստման ընթացակարգն անցած հացահատիկը պետք է մակնշվի Մաքսային միության անդամ պետությունների շուկայում արտադրանքի շրջանառության միասնական նշանով։
Հացահատիկը Մաքսային միության անդամ պետությունների շուկայում արտադրանքի շրջանառության միասնական նշանով մակնշվում է, եթե այն համապատասխանում է սույն Տեխնիկական կանոնակարգի, ինչպես նաև Մաքսային միության տեխնիկական այն կանոնակարգերի պահանջներին, որոնց գործողությունը տարածվում է դրա վրա։
2. Մաքսային միության անդամ պետությունների շուկայում արտադրանքի շրջանառության միասնական նշանը զետեղվում է փաթեթվածքի կամ կցվող փաստաթղթերի վրա՝ հացահատիկը առանց փաթեթվածքի փոխադրելու դեպքում։
Մաքսային միության անդամ պետությունների շուկայում արտադրանքի շրջանառության միասնական նշանը զետեղվում է ցանկացած եղանակով, որով հացահատիկի պիտանիության ամբողջ ժամկետի ընթացքում ապահովվում է հստակ և պարզ պատկերը։
3. Մաքսային միության անդամ պետությունների շուկայում արտադրանքի շրջանառության միասնական նշանով մակնշումն իրականացվում է նախքան Մաքսային միության միասնական մաքսային տարածքում հացահատիկը շրջանառության մեջ դնելը։