ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 մայիսի 1995 թ. N 268
Քաղ. Երևան
ԵՐԵՎԱՆԻ «ԷԼԵԿՏՐԱԱՊԱՐԱՏ» ՊԵՏԱԿԱՆ ՁԵՌՆԱՐԿՈՒԹՅԱՆ ԿԱԶՄԻՑ ԱՌԱՆՁՆԱՑՎԱԾ ԵՎ ՎԱՐՁԱԿԱԼՈՒԹՅԱՆ ՏՐՎԱԾ ԳՈՒՅՔԻ ՍԵՓԱԿԱՆԱՇՆՈՐՀՄԱՆ ՄԱՍԻՆ
Ի կատարումն Հայաստանի Հանրապետության կառավարության 1995 թվականի փետրվարի 23-ի «Կոմպրեսոր գործարան» պետական ձեռնարկությունը բաց բաժնետիրական ընկերության ձևով սեփականաշնորհելու մասին» N 96 որոշման 3-րդ կետի, Հայաստանի Հանրապետության կառավարությունը որոշում է.
1. Թույլատրել «Իզաբելլա» կոոպերատիվին Հայաստանի Հանրապետության օրենսդրությամբ սահմանված կարգով գնել իր կողմից վարձակալված` Երևանի «Էլեկտրաապարատ» պետական ձեռնարկության կազմից առանձնացված Եղվարդի լայն սպառման ապրանքների N 1 արտադրամասի` 2727 հազ. դրամ արժեքով գույքը:
2. Թույլատրել «Կողբ» կոոպերատիվին Հայաստանի Հանրապետության օրենսդրությամբ սահմանված կարգով գնել իր կողմից վարձակալված` Երևանի «Էլեկտրաապարատ» պետական ձեռնարկության կազմից առանձնացված Եղվարդի լայն սպառման ապրանքների N 2 արտադրամասի` 3248 հազ. դրամ արժեքով գույքը:
3. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը` «Իզաբելլա» և «Կողբ» կոոպերատիվներին իրենց կողմից վարձակալված գույքի վաճառքն իրականացնել երկու ամսվա ընթացքում` «Էլեկտրաապարատ» պետական ձեռնարկության գնահատման ակտերի հիման վրա:
ՀԱՅԱՍՏԱՆի հանրապետության
վարչապետ Հ. ԲԱԳՐԱՏՅԱՆ
ՀԱՅԱՍՏԱՆի հանրապետության
կԱՌԱՎԱՐՈՒԹյԱՆ ԳՈՐԾԵՐԻ
ԿԱՌԱՎԱՐիչ Ս. ՄԱՆԱՍԱՐՅԱՆ