Հոդված 2. Օրենքի գործողության ոլորտը

Հոդված 2. Օրենքի գործողության ոլորտը

1. Սույն օրենքի գործողությունը տարածվում է Հայաստանի Հանրապետության տարածքում իրականացվող ռիելթորական գործունեության վրա:

2. Սույն օրենքը չի տարածվում՝

1) պետական և համայնքային գույքերի նկատմամբ իրականացվող գործարքների վրա.

2) հանրության գերակա շահ ճանաչված գույքերի նկատմամբ իրականացվող գործարքների վրա.

3) գույքի հավատարմագրային կառավարման գործարքների վրա.

4) այն գործունեության վրա, որը համապատասխանում է սույն օրենքով սահմանված ռիելթորական գործունեությանը, սակայն իրականացվում է պետական և տեղական ինքնակառավարման մարմինների կողմից օրենքով իրենց վերապահված գործառույթների շրջանակում.

5) այն գործունեության վրա, որը կարգավորվում է «Սնանկության մասին» օրենքով.

6) «Ներդրումային ֆոնդերի մասին» օրենքով և ներդրումային ֆոնդերի գործունեությունը կարգավորող օրենսդրությամբ նախատեսված հարաբերությունների վրա.

7) «Բազմաբնակարան շենքի կառավարման մասին» օրենքով նախատեսված հարաբերությունների վրա: