ՀՀ ՕՐԵՆՔԸ «ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» 1997 թվականի դեկտեմբերի 27-ի ՀՕ-186 օրենքի 12-րդ հոդվածի 1-ին մասում՝

1) 1-ին կետի «երեսնապատիկի» բառը փոխարինել «հիսնապատիկի» բառով.

2) լրացնել հետևյալ բովանդակությամբ 2.1-ին կետով.

«2.1. օտարերկրյա քաղաքացիների, այդ թվում՝ ամուսնացողներից մեկի՝ Հայաստանի Հանրապետության քաղաքացի հանդիսանալու դեպքում ամուսնության գրանցման համար, ներառյալ վկայական տալու համար բազային տուրքի հարյուրապատիկի չափով».

3) 4-րդ կետը շարադրել հետևյալ խմբագրությամբ.

«4. քաղաքացիական կացության ակտերի գրանցման ուղղման և լրացման համար բազային տուրքի հնգապատիկի չափով».

4) լրացնել հետևյալ բովանդակությամբ 4.1-ին կետով.

«4.1. քաղաքացիական կացության ակտերի գրանցումների փոփոխության համար բազային տուրքի երեսնապատիկի չափով».

5) 5-րդ կետի «հնգապատիկի» բառը փոխարինել «յոթնապատիկի» բառով.

6) լրացնել հետևյալ բովանդակությամբ 6.1-ին կետով.

«6.1. Օտարերկրյա քաղաքացիների համար

հայրություն (մայրություն) ճանաչելու համար բազային տուրքի երեսնապատիկի չափով».

7) լրացնել հետևյալ բովանդակությամբ 14-րդ և 15-րդ կետերով.

«14. օտարերկրյա քաղաքացիների կողմից երեխայի որդեգրման մասին ակտային գրանցման համար բազային տուրքի երեքհարյուրապատիկի չափով

15. քաղաքացիական կացության ակտային

գրանցման առկայության վերաբերյալ տեղեկանքի համար բազային տուրքի հնգապատիկի չափով»: