ԵՐԵՎԱՆԻ ՔԱՂԱՔԱՊԵՏ
N 5373-Ա «30» դեկտեմբերի 2025 թ.
Ո Ր Ո Շ ՈՒ Մ
ԵՐԵՎԱՆ ԱՋԱՓՆՅԱԿ Թ. ՆԱԶԱՐԲԵԿՅԱՆ Հ.15/9 ՀԱՍՑԵՈՒՄ ԳՏՆՎՈՂ ՀՈՂԱՄԱՍԻ ՆԿԱՏՄԱՄԲ ԵՐԵՎԱՆ ՀԱՄԱՅՆՔԻ ՍԵՓԱԿԱՆՈՒԹՅՈՒՆԸ ՃԱՆԱՉԵԼՈՒ ՄԱՍԻՆ
Վարչական ակտի ընդունման համար հիմք է հանդիսացել Նարինե Սաղոյանի դիմումը՝ սեփականության իրավունքով իրեն պատկանող, Երևան Աջափնյակ Թ. Նազարբեկյան հ.15/9 հասցեում գտնվող (անշարժ գույքի նկատմամբ իրավունքների պետական գրանցման հ.20082025-01-0195 վկայական) 0.02432հա մակերեսով հողամասից հրաժարվելու մասին:
Ղեկավարվելով հողային օրենսգրքի 56-րդ հոդվածի 3-րդ մասի, 100-րդ հոդվածի 1-ին մասի 1-ին կետի և 101-րդ հոդվածի դրույթներով.
1. Երևան Աջափնյակ Թ. Նազարբեկյան հ.15/9 հասցեում՝ 0.02432հա մակերեսով (անշարժ գույքի նկատմամբ իրավունքների պետական գրանցման հ.20082025-01-0195 վկայական) հողամասի նկատմամբ ճանաչել Երևան համայնքի սեփականությունը՝ սեփականատիրոջ կողմից նշված հողամասից կամովին հրաժարվելու հիմքով:
2. Լիազորել Երևանի քաղաքապետարանի աշխատակազմի անշարժ գույքի կառավարման վարչության պետի տեղակալ Կարեն Մարգարյանին՝ սույն որոշումն ուժի մեջ մտնելուց հետո, այն ներկայացնել Հայաստանի Հանրապետության կադաստրի կոմիտե՝ որոշման 1-ին կետում նշված հողամասի նկատմամբ Երևան համայնքի սեփականության իրավունքի պետական գրանցումն իրականացնելու նպատակով:
3. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։
4. Որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:
Տ. Ավինյան