ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
1995 ԹՎԱԿԱՆԻ ԱՌԱՋԻՆ ԵՌԱՄՍՅԱԿՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ԿԱՏԱՐՈՒՄՆ ԱՊԱՀՈՎԵԼՈՒ ՄԱՍԻՆ
Հանրապետական և տեղական բյուջեներով պահվող հիմնարկների, կազմակերպությունների, բնակչության սոցիալական խնդիրների, ինչպես նաև այլ միջոցառումների ծախսերի ֆինանսավորումը 1995 թվականի հունվարի 1-ից իրականացնելու նպատակով, Հայաստանի Հանրապետության Գերագույն խորհուրդը որոշում է.
Մինչև 1995 թվականի պետական բյուջեի հաստատումը թույլատրել`
ա) Հայաստանի Հանրապետության կառավարությանն իրականացնելու 1995 թվականի առաջին եռամսյակում բյուջեի կատարումը` պահպանելով 1994 թվականի չորրորդ եռամսյակի փաստացի բյուջետային հատկացումների հիմնական համամասնությունները և ուղղությունները.
բ) Հայաստանի Հանրապետության կենտրոնական բանկին բյուջեի կանխատեսվող դեֆիցիտը ծածկելու համար Հայաստանի Հանրապետության կառավարությանը հատկացնել վարկ «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 13 հոդվածով սահմանված կարգով և Հայաստանի Հանրապետության կենտրոնական բանկի վերաֆինանսավորման տոկոսադրույքով:
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ` բ. արարքցյան
17 հունվարի 1995 թվականի,
քաղ. Երևան
Հ. Ն-1128-I.