ԵՐԵՎԱՆԻ ՔԱՂԱՔԱՊԵՏ
N 855-Ա «16» փետրվարի 2026 թ.
Ո Ր Ո Շ ՈՒ Մ
ԵՐԵՎԱՆԻ ՔԱՂԱՔԱՊԵՏԻ 2016 ԹՎԱԿԱՆԻ ԴԵԿՏԵՄԲԵՐԻ 05-Ի Հ.4138-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, հիմք ընդունելով Երևանի քաղաքապետարանի աշխատակազմի ճարտարապետության և քաղաքաշինության վարչության 04.02.2026 թվականի եզրակացությունը, քաղաքացու դիմումը.
1. Երևանի քաղաքապետի 2016 թվականի դեկտեմբերի 05-ի «Երևանի Նոր Արեշի 2-րդ փողոցի հ.15/2 բնակելի տան զբաղեցրած հողամասի հողհատկացման հիմքերը վերականգնելու, բնակելի տանը կից հողամասի և շենք-շինությունների նկատմամբ Վարդան Վալերիի Ադամյանի, Աշոտ Վալերիի Ադամյանի իրավունքները վերականգնելու, 20.02քմ մակերեսով հողամասն ուղղակի վաճառքի միջոցով օտարելու մասին» հ.4138-Ա որոշման /այսուհետ՝ Որոշում/ մեջ կատարել հետևյալ լրացումը և փոփոխությունը.
1) Որոշումը լրացնել նոր՝ 1.1 կետով, հետևյալ բովանդակությամբ.
«1.1 Հիմք ընդունելով Երևան քաղաքի ավագանու 10.09.2024 թվականի հ. 204-Ն որոշումով հաստատված Երևան քաղաքի գլխավոր հատակագիծը՝ «ք.Երևան Նոր Արեշի 2-րդ փողոցի հ.15/2 հասցեի հողամասի գործառնական նշանակությունը սահմանել բնակելի կառուցապատման:»:
2) Որոշման 3-րդ կետում «քաղաքապետի խորհրդական Հ. Մուրադյանին» բառերը փոխարինել «աշխատակազմի ճարտարապետության և քաղաքաշինության վարչության պետին» բառերով:
2. Սույն որոշումը կարող է վարչական կարգով բողոքարկվել Երևանի քաղաքապետին, կամ դատական կարգով՝ Հայաստանի Հանրապետության վարչական դատարան դրա ուժի մեջ մտնելու օրվանից երկամսյա ժամկետում։
Տ. Ավինյան