ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱԶԱՏ ԳՆԵՐԻ ԵՎ ՍԱԿԱԳՆԵՐԻ ԱՆՑՆԵԼՈՒ ԿԱՊԱԿՑՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ ԱՌԸՆԹԵՐ ՕՊԵՐԱՏԻՎ ՇՏԱԲ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում ազատ գների և սակագների անցման ընթացքում ծագող հարցերի օպերատիվ լուծման նպատակով որոշում եմ.
Հայաստանի Հանրապետության նախագահին առընթեր ստեղծել օպերատիվ շտաբ հետևյալ կազմով`
Հարությունյան Գագիկ Գարուշի - Հայաստանի Հանրապետության փոխնախագահ, վարչապետ
Բագրատյան Հրանտ Արարատի - Հայաստանի Հանրապետության փոխվարչապետ, Հայաստանի Հանրապետության էկոնոմիկայի նախարար
Ջանոյան Ջանիկ Արտաշեսի - Հայաստանի Հանրապետության ֆինանսների նախարար
Եսայան Աշոտ Կոլյայի - Հայաստանի Հանրապետության աշխատանքի և սոցիալական ապահովության նախարար
Եղիազարյան Արմեն Բենիամինի - Հայաստանի Հանրապետության կառավարության տնտեսական բարեփոխումների պետական հանձնաժողովի նախագահի տեղակալ
Դավթյան Լևոն Միսակի - Հայաստանի Հանրապետության վիճակագրության, պետական ռեգիստրի և վերլուծության պետական վարչության պետ
Սահակյան Սուրեն Մուշեղի - Հայաստանի Հանրապետության հարկային պետական տեսչության պետի պաշտոնակատար
Բարխուդարյան Լևոն Վլադիմիրի - Հայաստանի Հանրապետության էկոնոմիկայի նախարարի տեղակալ
Իսահակյան Իսահակ Աբասի - Հայաստանի Հանրապետության բանկի վարչության նախագահ
Հարությունյան Մարտին Կարապետի - ՀԱՄԽ-ի նախագահ
Սիտարյան Ստեփան Արամայիսի - ակադեմիկոս:
Հայաստանի Հանրապետության
նախագահ` Լ. ՏԵՐ-ՊԵՏՐՈՍՅԱՆ
4 հունվարի 1992 թվականի,
քաղ. Երևան