ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
18 ապրիլի 2026 թվականի N 530-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 22-Ի N 1851-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների պահանջներով և հիմք ընդունելով «Գույքի նկատմամբ իրավունքների պետական գրանցման մասին» օրենքի 49.1-ին հոդվածի 1-ին մասի դրույթները՝ Հայաստանի Հանրապետության կառավարությունը որոշում է.
1․ Հայաստանի Հանրապետության կառավարության 2011 թվականի դեկտեմբերի 22-ի «Նոտարական վավերացում չպահանջող պայմանագրերի օրինակելի ձևերը հաստատելու մասին» N 1851-Ն որոշման (այսուհետ՝ որոշում)՝
1) վերնագիրը «ՉՊԱՀԱՆՋՈՂ» բառից հետո լրացնել «, ԱՅԴ ԹՎՈՒՄ՝ ԷԼԵԿՏՐՈՆԱՅԻՆ ԹՎԱՅԻՆ ՍՏՈՐԱԳՐՈՒԹՅԱՄԲ ՍՏՈՐԱԳՐՎՈՂ» բառերով.
2) նախաբանը «պահանջների» բառից առաջ լրացնել «և 49․1-ին հոդվածի 1-ին մասի» բառերով.
3) 1-ին կետը շարադրել հետևյալ խմբագրությամբ․
«1. Հաստատել՝
1) նոտարական վավերացում չպահանջող պայմանագրերի օրինակելի ձևերը՝ համաձայն N 1 հավելվածի.
2) նոտարական վավերացում չպահանջող և էլեկտրոնային թվային ստորագրությամբ ստորագրվող պայմանագրի օրինակելի ձևը՝ համաձայն N 2 հավելվածի:».
4) 2-րդ կետի 2-րդ ենթակետն ուժը կորցրած ճանաչել.
5) 3-րդ կետը շարադրել հետևյալ խմբագրությամբ․
«3․ Հայաստանի Հանրապետության արդարադատության նախարարին և Հայաստանի Հանրապետության կադաստրի կոմիտեի ղեկավարին՝ մինչև 2027 թվականի հունվարի 1-ը իրականացնել «Ես եմ» ազգային նույնականացման հարթակի միջոցով անշարժ գույքի պետական ռեգիստրի պաշտոնական կայքէջի էլեկտրոնային համակարգի «Անձնական գրասենյակ» բաժնում առկա էլեկտրոնային թվային ստորագրությամբ ստորագրված և անշարժ գույքի պետական ռեգիստրի պաշտոնական կայքէջի էլեկտրոնային համակարգի միջոցով ներկայացված պայմանագրերի ուսումնասիրություններ, վերլուծել և մինչև 2027 թվականի հունվարի 31-ը Հայաստանի Հանրապետության վարչապետի աշխատակազմ ներկայացնել առաջարկություններ «Գույքի նկատմամբ իրավունքների պետական գրանցման մասին» օրենքում փոփոխություններ և լրացումներ կատարելու մասին» 2025 թվականի դեկտեմբերի 4-ի ՀՕ-412-Ն օրենքի 8-րդ հոդվածի 3-րդ մասով սահմանված ժամկետի ավարտից հետո նույն օրենքի 3-րդ և 4-րդ հոդվածներով, 5-րդ հոդվածի 1-ին մասով, 6-րդ և 7-րդ հոդվածներով սահմանված դրույթների պահպանման վերաբերյալ:».
6) 1-ին կետով հաստատված հավելվածը «Հավելված» բառից հետո լրացնել «N 1» բառերով.
7) լրացնել նոր՝ N 2 հավելվածով՝ համաձայն հավելվածի։
2․ Սույն որոշումն ուժի մեջ է մտնում անշարժ գույքի պետական ռեգիստրի պաշտոնական կայքէջի էլեկտրոնային համակարգի «Անձնական գրասենյակ» բաժնում համապատասխան գործիքակազմի տեղադրումից և գործարկումից հետո, սակայն ոչ ուշ, քան սույն որոշման պաշտոնական հրապարակման օրվանից երեք ամիս անց։
Հայաստանի Հանրապետության
վարչապետ Ն. Փաշինյան
Երևան
18.04.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ կառավարության 2026 թվականի
ապրիլի 18-ի N 530-Ն որոշման
«Հավելված N 2
ՀՀ կառավարության 2011 թվականի
դեկտեմբերի 22-ի N 1851-Ն որոշման
ԱՆՇԱՐԺ ԳՈՒՅՔԻ ՎԱՃԱՌՔԻ ՊԱՅՄԱՆԱԳԻՐ
«___ » _________________ 20__թ.
_______________________________________________
(փաստաթուղթը կազմելու տարին, ամիսը, ամսաթիվը (թվերով և բառերով)
Գնորդ՝
Ֆիզիկական անձ
անուն__________________
ազգանուն ___________________
հաշվառման հասցե _____________________________
անձնագրի /նույնականացման քարտի/ տվյալներ _____________________________________
(սերիա, համար, երբ և ում կողմից է տրվել)
Վաճառող՝
Ֆիզիկական անձ
անուն_________________
ազգանուն ___________________
հաշվառման հասցե _____________________________
անձնագրի /նույնականացման քարտի/ տվյալներ _____________________________________
(սերիա, համար, երբ և ում կողմից է տրվել)
Սույն պայմանագրով վաճառողը պարտավորվում է գնորդին սեփականության իրավունքով փոխանցել սույն պայմանագրում նշված անշարժ գույքը, իսկ գնորդը պարտավորվում է ընդունել այդ անշարժ գույքը և վճարել դրա համար սույն պայմանագրով սահմանված գինը։
Պայմանագրի առարկան.
□ հողամաս հա (չի լրացվում, եթե պայմանագրի առարկա շենք, շինությունը գտնվում է բազմաբնակարան կամ ստորաբաժանված շենքերում)
□ շենք, շինություններ ____________________________________________________________________
ընդհանուր մակերեսի չափը կամ մակերեսների չափերը՝ ըստ առանձին շենք, շինությունների
Հասցե ___________________________________________________________________________
Շենք, շինությունը բազմաբնակարան կամ ստորաբաժանված շենքի բնակարան և (կամ) ոչ բնակելի տարածք հանդիսանալու դեպքում գնորդին սեփականության իրավունքով փոխանցվում է նաև բազմաբնակարան կամ ստորաբաժանված շենքի ընդհանուր սեփականություն հանդիսացող գույքի նկատմամբ վաճառողին սեփականության իրավունքով պատկանող համապատասխան բաժնեմասը:
Վաճառողը երաշխավորում է, որ սույն պայմանագրով նախատեսված անշարժ գույքի սեփականատերն է, գույքը վաճառված կամ դատական վեճի առարկա չէ, գույքը վաճառելու սահմանափակում առկա չէ:
Վաճառողը երաշխավորում է նաև, որ՝
□ սույն պայմանագրով նախատեսված անշարժ գույքը վարձակալության կամ անհատույց օգտագործման տրված կամ այլ կերպ ծանրաբեռնված չէ.
□ գնորդը տեղեկացված է սույն պայմանագրով նախատեսված անշարժ գույքի՝ այլ անձանց իրավունքներով ծանրաբեռնված լինելու մասին.
□ սույն պայմանագրով վաճառողը գնորդի սեփականությանն է հանձնում Հայաստանի Հանրապետության կադաստրի կոմիտեի կողմից տրված ____________ թ. N ____________ գրանցման վկայականի համաձայն վաճառողի սեփականությունը հանդիսացող անշարժ գույքը ամբողջությամբ:
Անշարժ գույքի նշանակությունը՝
□ բնակելի
□ հողամաս
□ այլ անշարժ գույքի ________________________
Գինը
Սույն պայմանագրով նախատեսված անշարժ գույքի գինը կազմում է
___________________________________________________ դրամ:
(թվերով և բառերով)
Կողմերը տեղեկացված են Հայաստանի Հանրապետության հարկային օրենսգրքով սահմանած հարկային պարտավորությունների, հարկային պարտավորությունների գանձման կարգի ու ժամկետների, ինչպես նաև հարկային արտոնությունների մասին, եթե կիրառելի է:
Սույն պայմանագրով նախատեսված անշարժ գույքի գինը՝
□ վճարվել է ամբողջությամբ.
□ վճարվելու է __________օրվա ընթացքում:
Անշարժ գույքը գնորդին հանձնելը՝
□ անշարժ գույքի հանձնման ակտը պետք է կազմվի սույն պայմանագիրը հաստատելուց հետո ______________ ընթացքում.
□ անշարժ գույքը սույն պայմանագիրը հաստատելու պահին հանձնվել է գնորդին:
Սույն պայմանագրով չկարգավորված հարաբերությունների նկատմամբ կիրառվում է պայմանագրի կնքման պահին գործող Հայաստանի Հանրապետության օրենսդրությունը:
□ Լրացուցիչ նշումներ և տեղեկություններ
_______________________________________________________________________________________
(կարող են լրացվել միայն գրանցման վկայականի «Լրացուցիչ նշումներ և տեղեկություններ» բաժնում գրառված տեղեկությունները)
_______________ (լրացվում է ըստ անհրաժեշտության):
Էլեկտրոնային թվային ստորագրություններ՝
Գնորդ Էլեկտրոնային թվային ստորագրություն
Վաճառող Էլեկտրոնային թվային ստորագրություն
□ Սույնով հաստատում եմ, որ առկա չէ պայմանագրի առարկա անշարժ գույքի համատեղ սեփականության մասնակից (ՀՀ քաղաքացիական օրենսգրքի 201-րդ հոդվածի իմաստով), որի վերաբերյալ տվյալները առկա չեն պայմանագրի առարկա անշարժ գույքի միավորի վերաբերյալ N __________________________միասնական տեղեկանքում:
միասնական տեղեկանքի համարը
Սույն պայմանագիրը կողմերը ստորագրել են էլեկտրոնային թվային ստորագրությամբ՝ անշարժ գույքի պետական ռեգիստրի պաշտոնական կայքէջի էլեկտրոնային համակարգի «Անձնական գրասենյակ» բաժնում՝ «Ես եմ» ազգային նույնականացման հարթակի միջոցով մուտք գործելով:»։
Հայաստանի Հանրապետության
վարչապետի աշխատակազմի
ղեկավար Ա. Հարությունյան
18.04.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 18 ապրիլի 2026 թվական: