ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
12 ապրիլի 1994 թ. N 167
Քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՆԱՐԱՐՈՒԹՅԱՆ ՆԱԽԱՐԱՐՈՒԹՅԱՆ ԵՐԵՎԱՆԻ ԽՈՇՈՐ ՊԱՆԵԼԱՅԻՆ ՏՆԱՇԻՆՈՒԹՅԱՆ ՊԵՏԱԿԱՆ ՁԵՌՆԱՐԿՈՒԹՅԱՆ NN 2, 14, 16 ՇԻՆՄՈՆՏԱԺԱՅԻՆ ԴՈՒՍՏՐ ՁԵՌՆԱՐԿՈՒԹՅՈՒՆՆԵՐԸ ՀԱՐԿԱՅԻՆ ՕՐԵՆՍԴՐՈՒԹՅԱՆ ԽԱԽՏՈՒՄՆԵՐԻ ՀԱՄԱՐ ԿԻՐԱՌՎԱԾ ՏՈՒԳԱՆՔՆԵՐԻՑ ԵՎ ՏՈՒՅԺԵՐԻՑ ԱԶԱՏԵԼՈՒ ՄԱՍԻՆ
Հաշվի առնելով Հայաստանի Հանրապետության շինարարության նախարարության Երևանի խոշոր պանելային տնաշինության պետական ձեռնարկության NN 2, 14, 16 շինմոնտաժային դուստր ձեռնարկությունների կողմից բնակչությանը մատուցվող ծառայությունների կարևորությունը և նրանց ծանր ֆինանսական վիճակը, ինչպես նաև Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.
Հայաստանի Հանրապետության շինարարության նախարարության Երևանի խոշոր պանելային տնաշինության պետական ձեռնարկության NN 2, 14, 16 շինմոնտաժային դուստր ձեռնարկություններն ազատել 1992 թվականի և 1993 թվականի առաջին կիսամյակի համար հարկային օրենսդրության խախտումների համար ավելացված արժեքի հարկի գծով կիրառված տույժերից և տուգանքներից:
ՀԱՅԱՍՏԱՆի հանրապետության
վարչապետ Հ. ԲԱԳՐԱՏՅԱՆ
ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ Ա. ԽԱՉԱՏՐՅԱՆ