ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
18 հունիսի 2026 թվականի N 852-Ն
«ՎԱՀԱԳՆ ՎԻՇԱՊԱՔԱՂ» ՀՈՒՇԱՐՁԱՆԸ ՏԵՂԱՓՈԽԵԼՈՒ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈԿՏԵՄԲԵՐԻ 7-Ի N 1616-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքի 21-րդ հոդվածը, «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.
1. Թույլատրել Երևանի քաղաքապետին՝ Երևան քաղաքի Ծովակալ Իսակովի պողոտա և Սեբաստիա փողոցի խաչմերուկի հատվածում տեղադրված «Վահագն Վիշապաքաղ» հուշարձանը տեղափոխել Երևան քաղաքի Ալեքսանդր Մյասնիկյանի անվան հրապարակի հարևանությամբ՝ Երևանի քաղաքապետարանի դիմաց գտնվող Ռուսաստանի հրապարակ:
2. Հայաստանի Հանրապետության կառավարության 2004 թվականի հոկտեմբերի 7-ի «Հայաստանի Հանրապետության Երևան քաղաքի պատմության և մշակույթի անշարժ հուշարձանների պետական ցուցակը հաստատելու մասին» N 1616-Ն որոշման N 1 հավելվածում կատարել հետևյալ լրացումը և փոփոխությունը՝
1) «1.6. Կենտրոն վարչական շրջան» բաժինը լրացնել հետևյալ բովանդակությամբ նոր՝ 280-րդ կետով՝
« ուղղ. 280. ՀՈՒՇԱՐՁԱՆ`
«ՎԱՀԱԳՆ
ՎԻՇԱՊԱՔԱՂ» 1975 թ. Երևան քաղաքի
Ալեքսանդր Մյասնիկյանի
անվան հրապարակի
հարևանությամբ՝ Երևանի
քաղաքապետարանի
դիմաց գտնվող
Ռուսաստանի հրապարակ Հ քանդ.՝ Կ. Նուրիջանյան
Հուշարձանը Երևան
քաղաքի Ալեքսանդր
Մյասնիկյանի անվան
հրապարակի
հարևանությամբ՝
Երևանի
քաղաքապետարանի
դիմաց գտնվող
Ռուսաստանի
հրապարակ
տեղափոխվել է Երևան
քաղաքի Ծովակալ
Իսակովի պողոտա և
Սեբաստիա փողոցի
խաչմերուկի հատվածից
».
2) «1.7. Մալաթիա-Սեբաստիա վարչական շրջան» բաժնի 10-րդ կետն ուժը կորցրած ճանաչել:
3. Ընդունել ի գիտություն, որ սույն որոշման 1-ին կետով նախատեսված քանդակի տեղափոխման աշխատանքների իրականացման ծախսերը կատարվում են Երևան համայնքի բյուջեի միջոցների հաշվին:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից՝ բացառությամբ սույն որոշման 2-րդ կետի, որն ուժի մեջ է մտնում սույն որոշման 1-ին կետում նշված քանդակը Երևան քաղաքի Ալեքսանդր Մյասնիկյանի անվան հրապարակի հարևանությամբ՝ Երևանի քաղաքապետարանի դիմաց գտնվող Ռուսաստանի հրապարակում տեղադրվելու պահից:
Հայաստանի Հանրապետության
վարչապետ Ն. Փաշինյան
Երևան
18.06.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 18 հունիսի 2026 թվական: