Հոդված 4. Օրենքի 11-րդ հոդվածում՝
Հոդված 4. Օրենքի 11-րդ հոդվածում՝
1) 1-ին մասը լրացնել հետևյալ բովանդակությամբ նոր նախադասությունով. «Գնահատման առաջադրանքը հանդիսանում է պայմանագրի անբաժանելի հավելվածը:».
2) 2-րդ մասի 2-րդ կետը շարադրել հետևյալ խմբագրությամբ.
«2) գնահատման դիմաց վճարի չափի, ինչպես նաև գնահատման հաշվետվության կազմման համար անհրաժեշտ տեղեկությունների, փաստաթղթերի ձեռքբերման պետական տուրքի և այլ վճարների չափի վերաբերյալ, որը չի ներառվում գնահատման դիմաց վճարի գումարի մեջ և, ըստ անհրաժեշտ տեղեկությունների և փաստաթղթերի ձեռքբերման դիմաց վճարման ենթակա պետական տուրքի և այլ վճարների չափի փոփոխության, կարող է փոփոխվել և ենթակա է վճարման պատվիրատուի կողմից.».
3) 2-րդ մասի 4-րդ կետը շարադրել հետևյալ խմբագրությամբ.
«4) պատվիրատուին ուղղված ծանուցում՝ սույն օրենքի համաձայն պայմանագրի կնքման հիմքով պատվիրատուի անունից գնահատման համար անհրաժեշտ տեղեկություններ ստանալու մասով գնահատողին լիազորություն ընձեռելու վերաբերյալ.».
4) 2-րդ մասը լրացնել հետևյալ բովանդակությամբ 5-րդ կետով.
«5) գնահատվող օբյեկտի վերաբերյալ պատվիրատուի կողմից Պայմանագրի կնքման պահին տրամադրված տեղեկությունների և փաստաթղթերի ամբողջական ցանկի վերաբերյալ:»: