ՀԱՍՏԱՏՎԱԾ Է
ՀՀ ֆԻՆԱՆՍՆԵՐԻ ՆԱԽԱՐԱՐՈՒԹՅՈՒՆ
06 հունիսի 1996 թ.
---- ------------
թիվ 214 հրամանով ՀԱՍՏԱՏՎԱԾ Է
ՀՀ էԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
13 հունիսի 1996 թ.
---- ------------
թիվ 134 հրամանով
Հաստատված է` Համաձայնեցված է`
ՀՀ ֆԻՆԱՆՍՆԵՐԻ
ՆԱԽԱՐԱՐՈՒԹՅԱՆ ԿՈՂՄԻՑ
03.08.1995 թ.
---- ----
թիվ 3-15/9 ՀՀ էԿՈՆՈՄԻԿԱՅԻ
ՆԱԽԱՐԱՐՈՒԹՅԱՆ ԿՈՂՄԻՑ
03.08.1995 թ.
---- ----
թիվ 10-8-48 ՀՀ աՐԴԱՐԱԴԱՏՈՒԹՅԱՆ
նԱԽԱՐԱՐՈՒԹՅԱՆ ԿՈՂՄԻՑ
03.08.1995 թ.
---- ----
թիվ 1-15
Կ Ա Ր Գ
ՀՀ Սահմանադրության ընդունումից հետո օրենսդրական նախագծումների առաջնահերթ միջոցառումների իրականացման աշխատանքների ֆինանսավորման
1. Սույն կարգը հաստատվել է ի կատարումն ՀՀ կառավարության 1995 թ. հունիսի 16-ի կազմխորհրդակցության N 62-181 արձանագրության 1-ին կետի և կանոնակարգում է ՀՀ Սահմանադրության ընդունումից հետո օրենսդրական նախագծումների առաջնահերթ միջոցառումների իրականացման աշխատանքների ֆինանսավորման, այդ աշխատանքներին մասնակցող պետական ծառայողներին լրացուցիչ վարձատրման հիմնախնդիրները:
2. ՀՀ Սահմանադրության ընդունումից հետո օրենսդրական նախագծումների առաջնահերթ միջոցառումների իրականացման աշխատանքների ֆինանսավորումը կատարվում է ինչպես արտասահմանյան (միջազգային կազմակերպությունների, օտարերկրյա պետությունների) օգնության, այնպես էլ ՀՀ կառավարության պահուստային ֆոնդի միջոցների հաշվին` ըստ ՀՀ կառավարության հանձնարարականներով նախատեսված ժամկետում մշակման ենթակա օրենսդրական (ենթաօրենսդրական) և այլ նորմատիվ ակտերի (այսուհետև թեմայի):
3. Թեմայի ֆինանսավորման համար հատկացվող գումարի չափը որոշվում է, ելնելով թեմայի մշակման և ավարտման համար անհրաժեշտ մարդ-ժամերի քանակից և սույն կարգով ըստ հավելվածի սահմանված մեկ մարդ-ժամի սակագնից (հավելվածը կցվում է):
Թեման բարձր որակով կատարելու համար կատարողը պարգևատրվում է կնքված պայմանագրով նախատեսված գումարի 20 %-ի չափով` տվյալ օրենքը ՀՀ Ազգային ժողովի կողմից ընդունելուց հետո:
4. Թեմայի ֆինանսավորումն իրականացվում է պատվիրատուի և կատարողի միջև կնքված պայմանագրերի հիման վրա սույն կարգի 3-րդ կետի պահանջներին համապատասխան կազմված հաշվարկների համաձայն` ըստ պատվերի կատարման աստիճանի գումարը պատվիրատուի հատուկ հաշվին փոխանցելու միջոցով: Թեմայի կատարման համար անհրաժեշտ պայմաններ ստեղծելու նպատակով, առանց կատարողականի` որպես կանխավճար կարող է փոխանցվել և կատարողին վճարվել նախատեսված ֆինանսավորման ընդհանուր գումարի մինչև 20 %-ը:
5. Պատվերի կատարման աստիճանը` մինչև 60 %, որոշվում է պատվիրատուի` ՀՀ արդարադատության նախարարության կողմից, ինքնուրույն: Թեման ավարտված է համարվում ՀՀ ֆինանսների նախարարության և ՀՀ էկոնոմիկայի նախարարության անհրաժեշտության դեպքում` նրանց և պատվիրատուի առաջարկությամբ նաև շահագրգիռ մյուս նախարարությունների ու գերատեսչությունների կողմից փորձաքննություն անցկացնելուց և պատվիրատուի կողմից ընդունվելուց հետո:
Պետական ծառայողներին թույլատրվում է սույն կարգով սահմանված պայմաններով մասնակցել թեմայի մշակման աշխատանքներին:
Սույն կետով նախատեսված փորձաքննության համար նախարարությունների և պետական կառավարման կենտրոնական այլ մարմինների պետական ծառայողների վճարումը կատարվում է, ելնելով սույն կարգի 3-րդ կետի պահանջներից:
6. Թեման կատարելու համար պատվիրատուի և կատարողի, կատարող խմբի ղեկավարի կամ ձեռնարկության տնօրենի (հետագայում կատարող) միջև կնքված պայմանագրում նշվում են տեղեկություններ` տվյալ թեմայի կատարմանը մասնակցող մասնագետների, նրանց զբաղեցրած պաշտոնների վերաբերյալ: Թեմայի կատարման աշխատանքներում խմբի մասնագետների և մյուս անդամների մասնակցության աստիճանը որոշվում է թեմայի ղեկավարի կողմից, ելնելով սույն կարգի 3-րդ կետի պահանջներից և սահմանված կարգով նրանց վճարում կատարելու համար ներկայացվում է համապատասխան ցուցակ` պայմանագրով նախատեսված կարգով և ժամկետներում:
Պատվիրատուի և կատարողի միջև կնքվող պայմանագրում պետք է նախատեսվեն նաև պատվերի կատարումը կամ կատարման երաշխիքներ ապահովող և ՀՀ օրենսդրությանը չհակասող, սույն կարգի պահանջներից բխող այլ պայմաններ:
7. Կատարողին չի թույլատրվում իրականացնել թեմայի վերապատվիրում: Թեմայի կատարման ընթացքում կատարողն իրավասու է փոփոխություններ մտցնել խմբի կազմում կամ խմբում ընդգրկել լրացուցիչ մասնագետներ, այդ մասին տեղյակ պահելով պատվիրատուին: Խմբի կազմում կատարված փոփոխությունները հիմք չեն հանդիսանում լրացուցիչ ֆինանսավորման կամ ֆինանսավորման նախատեսված չափը պակասեցնելու համար:
8. Պայմանագրով նախատեսված ժամկետներից ուշացումով կամ առանց բավարար որակի պատվերն ընդունելու պատասխանատվությունը դրվում է պատվիրատուի վրա, ինչպես նաև ՀՀ էկոնոմիկայի և ՀՀ ֆինանսների նախարարությունների վրա` իրենց իրավասությունների շրջանակներում:
Պատվիրատուի և կատարողի միջև պատվերի կատարման հետ կապված վեճերի և պատասխանատվության հարցերը կարգավորվում են կնքված պայմանագրով:
Հավելված
----------
1995 թ.
----- -----------------------
հաստատված կարգի
-------------------------------
ՀՀ օրենսդրական (ենթաօրենսդրական) և այլ նորմատիվ ակտերի (թեմաների) մշակման համար 1 մարդ-ժամի սակագները
________________________________________________________
Կատարողներ գործակիցը սահմանված
նվազագույն աշխատավարձի նկատմամբ
________________________________________________________
Թեմայի ղեկավար
Մասնագետներ
Տեխնիկական աշխատողներ
2.38
2.05
1.02
________________________________________________________
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
աՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅաՆ ԿՈՂՄԻՑ
20.06.1996 թ.
ՊԵՏԱԿԱՆ ԳՐԱՆՑՄԱՆ ԹԻՎ 20960030