Հոդված 9. Լիազոր մարմնի իրավասությունները
Հոդված 9. Լիազոր մարմնի իրավասությունները
Լիազորված մարմնի իրավասություններն են`
ա) ինովացիոն գործունեության սուբյեկտների ներկայացրած հայտերի հիման վրա մրցութային կարգով ընտրված նախագծերից ամենամյա ծրագիրը ձևավորելը.
բ) ինովացիոն ոլորտի զարգացման գերակա ուղղությունները սահմանելու մասին Հայաստանի Հանրապետության կառավարություն առաջարկ ներկայացնելը.
գ) պետական ինովացիոն ծրագրում ընդգրկվելու նպատակով ներկայացված ինովացիոն նախագծերի մրցույթների անցկացման և ֆինանսավորման կարգի նախագիծը Հայաստանի Հանրապետության կառավարություն ներկայացնելը.
դ) ինովացիոն նախագծերի փորձագիտական գնահատման և ընտրության կարգը հաստատելը.
ե) ինովացիոն ոլորտում միջազգային համագործակցության համակարգումը.
զ) ինովացիոն ենթակառուցվածքների կազմավորման և վերակազմավորման վերաբերյալ Հայաստանի Հանրապետության կառավարություն առաջարկ ներկայացնելը: