ՀՀ ՕՐԵՆՔԸ «ՊԵՏԱԿԱՆ ՏՈՒՐՔԻ ՄԱՍԻՆ» ՀՀ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» Հայաստանի Հանրապետության օրենքի (27 դեկտեմբերի 1997 թվականի, ՀՕ-186, այսուհետ՝ օրենք) 14-րդ հոդվածում`

ա) երրորդ կետի «12-ապատիկի» բառը փոխարինել «5-ապատիկի» բառով.

բ) ութերորդ կետում կատարել հետևյալ փոփոխությունները.

1) «բ» ենթակետը շարադրել հետևյալ խմբագրությամբ.

«բ) Հայաստանի Հանրապետությունում մշտական

կացության կարգավիճակ, մշտական կացության

քարտ տալու, ինչպես նաև հաշվառելու համար բազային տուրքի 140-ապատիկի չափով»,

2) «գ» ենթակետը շարադրել հետևյալ խմբագրությամբ.

«գ) Հայաստանի Հանրապետությունում հատուկ

կացության կարգավիճակ, հատուկ անձնագիր տալու,

ինչպես նաև հաշվառելու համար բազային տուրքի 150-ապատիկի չափով»,

3) «ե» ենթակետը շարադրել հետևյալ խմբագրությամբ.

«ե) մշտական կացության քարտը փոխելու համար բազային տուրքի 20-ապատիկի չափով»,

4) ուժը կորցրած ճանաչել «զ» ենթակետը,

5) «է» ենթակետի «սովորական» բառը փոխարինել «մշտական» բառով.

գ) 9-րդ կետը շարադրել հետևյալ խմբագրությամբ.

«9. Օտարերկրյա քաղաքացիներին և քաղաքացիություն չունեցող անձանց Հայաստանի Հանրապետության պետական սահմանի անցման կետերում Հայաստանի Հանրապետության մուտքի արտոնագիր տալու համար`

ա) Հայաստանի Հանրապետության այցելության

մուտքի արտոնագիր (մինչև 120 օր ժամկետով

գտնվելու իրավունքով) տալու համար բազային տուրքի 15-ապատիկի չափով

բ) Հայաստանի Հանրապետության այցելության

մուտքի բազմակի արտոնագիր (մինչև 120 օր

ժամկետով գտնվելու իրավունքով և մինչև մեկ տարի

վավերականության ժամկետով) տալու համար բազային տուրքի 80-ապատիկի չափով

գ) Հայաստանի Հանրապետության պաշտոնական

մուտքի համար արտոնագիր տալու համար 0

դ) Հայաստանի Հանրապետության դիվանագիտական

մուտքի արտոնագիր տալու համար 0

ե) Հայաստանի Հանրապետություն մեկ մուտքի

տարանցիկ արտոնագիր տալու համար բազային տուրքի 10-ապատիկի չափով

զ) Հայաստանի Հանրապետություն բազմակի

մուտքի տարանցիկ արտոնագիր (մեկ տարի

վավերականության) տալու համար բազային տուրքի 18-ապատիկի չափով»: