«Վավերացնում եմ»
Հայաստանի Հանրապետության
Նախագահ Ռ. Քոչարյան
27 հունվարի 2007 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
18 հունվարի 2007 թվականի N 37-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՕԳՈՍՏՈՍԻ 21-Ի N 1080-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին մասի «ժ» ենթակետով և հիմք ընդունելով Հայաստանի Հանրապետության կառավարության 2006 թվականի հուլիսի 20-ի «Գույք օտարելու մասին» N 1129-Ա և 2006 թվականի հոկտեմբերի 19-ի «Երկրաէներգետիկա» փակ բաժնետիրական ընկերությունը լուծարելու մասին» N 1477-Ա որոշումները` Հայաստանի Հանրապետության կառավարությունը որոշում է.
Հայաստանի Հանրապետության կառավարության 2003 թվականի օգոստոսի 21-ի «Գույք հանձնելու մասին» N 1080-Ա որոշման մեջ կատարել հետևյալ փոփոխությունները`
որոշման 2-րդ կետի`
ա) «ա» ենթակետը շարադրել հետևյալ խմբագրությամբ.
«ա) մեկամսյա ժամկետում ապահովել Հայաստանի Հանրապետության էներգետիկայի նախարարության աշխատակազմի տնօրինությանը հանձնված խոր հորատման հաստոցի և օժանդակ սարքավորումների գույքային համալիրից մնացած` 648498956.16 դրամ հաշվեկշռային արժեքով գույքի ի պահ հանձնումը «Բարձրավոլտ էլեկտրացանցեր» փակ բաժնետիրական ընկերությանը` նշված գույքի պահպանման ծախսերն անհատույց կատարելով ընկերության հաշվին».
բ) «գ» ենթակետն ուժը կորցրած ճանաչել:
Հայաստանի Հանրապետության
վարչապետ Ա. Մարգարյան
2007 թ. հունվարի 23
Երևան