ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
ԼԵԶՎԻ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՄԱՆ ԿԱՐԳԻ ՄԱՍԻՆ
Հայաստանի Հանրապետության Գերագույն խորհուրդը որոշում է.
Լեզվի մասին Հայաստանի Հանրապետության օրենքը կիրարկել հրապարակման պահից, իսկ
4 հոդվածի 2-րդ մասի «ա» և «գ» կետերը` 1993 թվականի հունիսի 1-ից,
2 հոդվածի 4-րդ մասը` 1993 թվականի սեպտեմբերի 1-ից,
3-րդ հոդվածի 1-ին մասը` 1994 թվականի հունվարի 1-ից:
Հայաստանի Հանրապետության կառավարությանը`
ա) Հայաստանի Հանրապետությունում պետական լեզվաքաղաքականության իրականացման նպատակով ստեղծել կառավարությանն առընթեր Լեզվի պետական տեսչություն,
բ) մեկամսյա ժամկետում հաստատել Լեզվի պետական տեսչության պետին, տեսչության կանոնադրությունը և գործունեության ծրագիրը,
գ) վեցամսյա ժամկետում ընդունել Հայաստանի Հանրապետության լեզվական քաղաքականության պետական ծրագիրը,
դ) երկամսյա ժամկետում սահմանել սպասարկման ոլորտի այն ծառայությունները, որոնց վրա տարածվում է Լեզվի մասին Հայաստանի Հանրապետության օրենքի 3 հոդվածի 1-ին մասը,
ե) մինչև 1994 թվականի հունվարի 1-ը ապահովել.
- Հայաստանի Հանրապետությունում հայերենի ուսուցման հնարավորությունները բոլոր ցանկացողների համար, անկախ քաղաքացիությունից, ազգությունից, բնակության վայրից,
- հայատառ գրամեքենաների, հեռագրական սարքերի, հայերեն ստեղնաշարով համակարգիչների արտադրությունը կամ ներմուծումը,
- համակարգիչների` հայերեն ծրագրային փաթեթներով հանդերձավորումը:
Լեզվի պետական տեսչության պետին նշանակում և ազատում է Հայաստանի Հանրապետության կառավարությունը` Հայաստանի Հանրապետության Գերագույն խորհրդի կրթության և գիտության, լեզվի և մշակույթի հարցերի մշտական հանձնաժողովի համաձայնությամբ:
Հայաստանի Հանրապետության Գերագույն խորհրդի կրթության և գիտության, լեզվի և մշակույթի հարցերի մշտական հանձնաժողովը կարող է երկարաձգել սույն օրենքի 4 հոդվածի 2-րդ և 3-րդ մասերի կիրարկման ժամկետները առանձին ձեռնարկությունների, հիմնարկների և կազմակերպությունների համար:
Հայաստանի Հանրապետության Գերագույն խորհրդի իրավական հարցերի և կրթության և գիտության, լեզվի ու մշակույթի հարցերի մշտական հանձնաժողովներին` եռամսյա ժամկետում Գերագույն խորհրդի քննարկմանը ներկայացնել սույն օրենքին համապատասխան Հայաստանի Հանրապետության վարչական իրավախախտումների օրենսգրքում փոփոխություններ և լրացումներ կատարելու վերաբերյալ օրենքի նախագիծ:
Սույն օրենքի կատարման պատասխանատվությունը ձեռնարկություններում, հիմնարկներում և կազմակերպություններում անմիջականորեն և անհատապես դրվում է դրանց ղեկավարների վրա:
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ բ. արարքցյան
30 մարտի 1993 թվականի,
քաղ. Երևան
արձ. հ. 293, կետ 5
հ.ն-0774-1