ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅՈՒՆ ԳՈՐԾԱՏՈՒՆԵՐԻ ԿՈՂՄԻՑ ՏԱՐԵԿԱՆ ՀԱՇՎԵՏՎՈՒԹՅԱՆ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

19 հունվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հոկտեմբերի 2005 թվականի N 2301-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅՈՒՆ ԳՈՐԾԱՏՈՒՆԵՐԻ ԿՈՂՄԻՑ ՏԱՐԵԿԱՆ ՀԱՇՎԵՏՎՈՒԹՅԱՆ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 06.07.07 N 886-Ն)

Համաձայն «Աշխատանքի պետական տեսչության մասին» Հայաստանի Հանրապետության օրենքի 10-րդ հոդվածի 7-րդ մասի` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության աշխատանքի պետական տեսչություն գործատուների կողմից տարեկան հաշվետվության ներկայացման կարգը` համաձայն հավելվածի:

(1-ին կետը փոփ. 06.07.07 N 886-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության

վարչապետ Ա. Մարգարյան

2006 թ. հունվարի 12

Երևան

Հավելված

ՀՀ կառավարության 2005 թվականի

հոկտեմբերի 6-ի N 2301-Ն որոշման

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅՈՒՆ ԳՈՐԾԱՏՈՒՆԵՐԻ ԿՈՂՄԻՑ ՏԱՐԵԿԱՆ ՀԱՇՎԵՏՎՈՒԹՅԱՆ ՆԵՐԿԱՅԱՑՄԱՆ

(վերնագիրը փոփ. 06.07.07 N 886-Ն)

1. Սույն կարգով սահմանվում է գործատուների կողմից Հայաստանի Հանրապետության աշխատանքի պետական տեսչություն տարեկան հաշվետվության (այսուհետ` հաշվետվություն) ներկայացման կարգը:

(1-ին կետը փոփ. 06.07.07 N 886-Ն)

2. Գործատուն իր գտնվելու վայրի Հայաստանի Հանրապետության աշխատանքի պետական տեսչության տարածքային կենտրոն (այսուհետ` տեսչություն) է ներկայացնում հաշվետվություն (համաձայն ձևի), աշխատողների թվի, աշխատավարձի չափի, աշխատանքի վայրում դժբախտ դեպքերի թվի և մասնագիտական հիվանդությունների թվի մասին:

Գործատուն հաշվետվության մեջ նշում է նաև իրավաբանական անձի անվանումը (անհատ ձեռնարկատիրոջ դեպքում` անունը), հարկ վճարողի հաշվառման համարը (ՀՎՀՀ), կազմակերպական-իրավական ձևը, պետական ռեգիստրում գրանցման համարը, ամսաթիվը, գործունեության հիմնական տեսակը (ոլորտը), գտնվելու վայրը և հեռախոսահամարը:

Հաշվետվությունը պետք է ներկայացվի տպագիր կամ ընթեռնելի ձեռագրով:

(2-րդ կետը փոփ. 06.07.07 N 886-Ն)

3. Հաշվետվությունը կազմվում է յուրաքանչյուր տարվա համար և տեսչություն է ներկայացվում մինչև հաջորդ տարվա մարտի 1-ը:

(3-րդ կետը խմբ. 06.07.07 N 886-Ն)

4. Հաշվետվությունն ստորագրում է գործատուն կամ նրա ներկայացուցիչը: Հաշվետվությունը կնքվում է գործատուի կնիքով (առկայության դեպքում):

5. Հաշվետվությունը ներկայացվում է առձեռն կամ փոստով` պատվիրված նամակով: Փոստով առաքման դեպքում առաքման օր է համարվում փոստով առաքման մասին կտրոնի վրա նշված ժամկետը, իսկ առձեռն ներկայացվելու դեպքում` տեսչություն մուտքագրվելու օրը:

6. Տեսչության կողմից ընդունվող հաշվետվությունները գրանցվում են դրանց ստացումից անմիջապես հետո` տեսչության պետի կողմից հաստատված և կնքված հաշվետվությունների գրանցամատյանում, որտեղ գրառվում են`

ա) հաշվետվությունը ներկայացրած գործատուի անվանումը (անհատ ձեռնարկատիրոջ դեպքում` անունը).

բ) հաշվետվությունը ներկայացնելու ամսաթիվը:

7. Աղյուսակի 1-ին տողում լրացվում են յուրաքանչյուր ամսում աշխատողների միջին ցուցակային թիվը և դրանց միջին տարեկանը` համաձայն Հայաստանի Հանրապետության վիճակագրության պետական խորհրդի 2005 թվականի դեկտեմբերի 28-ի «Աշխատանքի վիճակագրության վերաբերյալ մեթոդական ցուցումներ» N 43-Ն որոշմամբ հաստատված հավելվածի:

(7-րդ կետը լրաց. 06.07.07 N 886-Ն)

8. Աղյուսակի 2-րդ տողում լրացվում են աշխատանքի վարձատրության և դրան հավասարեցված այլ վճարումները` համաձայն Հայաստանի Հանրապետության վիճակագրության պետական խորհրդի 2005 թվականի դեկտեմբերի 28-ի «Աշխատանքի վիճակագրության վերաբերյալ մեթոդական ցուցումներ» N 43-Ն որոշմամբ հաստատված հավելվածի:

(8-րդ կետը լրաց. 06.07.07 N 886-Ն)

9. Դժբախտ դեպքերի և մասնագիտական հիվանդությունների թիվը հաշվարկվում է ծառայողական քննություն իրականացնող հանձնաժողովի` համապատասխան ակտն ընդունելու պահից:

(9-րդ կետը լրաց. 06.07.07 N 886-Ն)

Հայաստանի Հանրապետության

կառավարության աշխատակազմի

ղեկավար-նախարար Մ. Թոփուզյան

Ձև

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅՈՒՆ

ԳՈՐԾԱՏՈՒՆԵՐԻ ԿՈՂՄԻՑ ՆԵՐԿԱՅԱՑՎՈՂ ՏԱՐԵԿԱՆ ՀԱՇՎԵՏՎՈՒԹՅԱՆ

(վերնագիրը փոփ. 06.07.07 N 886-Ն)

ՀՀ աշխատանքի պետական տեսչության

———————————տարածքային կենտրոն

Հ Ա Շ Վ Ե Տ Վ ՈՒ Թ Յ ՈՒ Ն

ԱՇԽԱՏՈՂՆԵՐԻ ԹՎԻ, ԱՇԽԱՏԱՎԱՐՁԻ ՉԱՓԻ,

ԱՇԽԱՏԱՆՔԻ ՎԱՅՐՈՒՄ ԴԺԲԱԽՏ ԴԵՊՔԵՐԻ ԹՎԻ ԵՎ ՄԱՍՆԱԳԻՏԱԿԱՆ

ՀԻՎԱՆԴՈՒԹՅՈՒՆՆԵՐԻ ԹՎԻ ՄԱՍԻՆ

(վերնագիրը փոփ. 06.07.07 N 886-Ն)

Ներկայացնում է _____________________________________________________

Կազմակերպման-իրավական ձևը ___________________________________________

Պետական ռեգիստրում գրանցման համարը ________ , ամսաթիվը ____ ________________

ՀՎՀՀ _______________________

Հայաստանի Հանրապետության աշխատանքի պետական տեսչությունում հաշվետվության գրանցման

համարը _______________ , ամսաթիվը ____ _________

Գործունեության հիմնական տեսակը (ոլորտը) ___________________________________

Գտնվելու վայրը ______________________________________________________

Հեռախոսահամարը ____________________________________________________

Ցուցանիշի անվանումը Տարեկան Ըստ ամիսների

հունվար փետրվար մարտ ապրիլ մայիս հունիս հուլիս օգոստոս սեպտեմբեր հոկտեմբեր նոյեմբեր դեկտեմբեր

Ա Բ 1 2 3 4 5 6 7 8 9 10 11 12

1. Աշխատողների թիվը

2. Աշխատավարձ

3. Դժբախտ դեպքերի թիվը

4. Մասնագիտական

հիվանդությունների

թիվը

Հաշվետվության ներկայացնելու ամսաթիվը ___ __________200 թ.

ՏՆՕՐԵՆ (անհատ ձեռնարկատեր) _________ _____________)

(ստորագրություն) (անունը, ազգանունը)

Կ.Տ

(ձևը փոփ., խմբ. 06.07.07 N 886-Ն)

(հավելվածը փոփ., խմբ., լրաց. 06.07.07 N 886-Ն)