ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԲՆԱԿԵԼԻ ՏԱՐԱԾՔՆԵՐ ՆՎԻՐԱԲԵՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 հոկտեմբերի 2007 թվականի N 1170-Ա

ԲՆԱԿԵԼԻ ՏԱՐԱԾՔՆԵՐ ՆՎԻՐԱԲԵՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը որոշում է.

1. «Հայաստանի Հանրապետության տարածքային կառավարման նախարարության Հայաստանի փրկարար ծառայության աշխատակազմ» պետական կառավարչական հիմնարկին ամրացված` Հայաստանի Հանրապետության Արարատի մարզի Մասիս քաղաքի հրշեջ մասում գտնվող` Բաղրամյան փողոցի N 26 շենքի` 60 քառ. մետր ընդհանուր մակերեսով և 677 160 դրամ հաշվեկշռային արժեքով N 3 ծառայողական բնակարանը նվիրաբերել այնտեղ բնակվող Վարդուշ Հարությունի Ջուլհակյանին, և 60 քառ. մետր ընդհանուր մակերեսով և 773 580 դրամ հաշվեկշռային արժեքով N 4 ծառայողական բնակարանը նվիրաբերել այնտեղ բնակվող Բորիս Արշակի Խաչատրյանին` որպես բնակելի տարածքներ օգտագործելու պայմանով:

2. Հայաստանի Հանրապետության տարածքային կառավարման նախարարության Հայաստանի փրկարար ծառայության տնօրենին` մեկամսյա ժամկետում` սահմանված կարգով ապահովել սույն որոշման 1-ին կետում նշված բնակելի տարածքների նվիրաբերության պայմանագրերի կնքումը` դրանցում նախատեսելով, որ սույն որոշման 1-ին կետից բխող գույքային իրավունքի պետական գրանցումներն իրականացվելու են նշված քաղաքացիների միջոցների հաշվին:

Հայաստանի Հանրապետության

վարչապետ Ս. Սարգսյան

2007 թ. հոկտեմբերի 15

Երևան