Հոդված 5. Շահույթ ստանալու նպատակ չհետապնդող կազմակերպության հիմնադիր փաստաթղթերը
Հոդված 5. Շահույթ ստանալու նպատակ չհետապնդող կազմակերպության հիմնադիր փաստաթղթերը
Շահույթ ստանալու նպատակ չհետապնդող կազմակերպության հիմնադիր փաստաթուղթը կանոնադրությունն է, իսկ որպես սահմանափակ պատասխանատվությամբ ընկերություն հիմնադրվելիս` նաև հիմնադիր պայմանագիրը:
Շահույթ ստանալու նպատակ չհետապնդող կազմակերպության կանոնադրությունը պետք է բովանդակի`
կազմակերպության ֆիրմային անվանումը, գտնվելու վայրը (հասցեն), գործունեության նպատակները, խնդիրները, բնագավառները և տևողությունը.
կազմակերպության կանոնադրական հիմնադրամի չափը.
հիմնադիրների կազմը և հիմնադիր ժողովի գումարման կարգը.
կազմակերպության կառավարման մարմինների կառուցվածքը և նրանց իրավասությունները.
կազմակերպության վերակազմավորման և գործունեության դադարման կարգը:
Հիմնադիր պայմանագիրը պետք է բովանդակի`
հիմնադիրների անունները (անվանումները).
կանոնադրական հիմնադրամում յուրաքանչյուր հիմնադրի ներդրման չափը, նրա իրավունքներն ու պարտականությունները.
Հայաստանի Հանրապետության օրենսդրությանը չհակասող այլ դրույթներ: