Հոդված 24. Ամսական դրամական բավարարումը որոշելու կարգը

Հոդված 24. Ամսական դրամական բավարարումը որոշելու կարգը

Սույն օրենքով սահմանված կենսաթոշակները հաշվարկելիս որպես ամսական դրամական բավարարման (վաստակի) չափ ընդունվում է զինվորական ծառայությունից արձակվելու կամ կենսաթոշակի իրավունքի առաջացման պահին նախորդող ամսում զինծառայողի ստացած դրամական բավարարումը:

Դրամական բավարարման մեջ մտնող վճարումների տեսակների ցանկը սահմանում է Հայաստանի Հանրապետության կառավարությունը:

Ժամկետային ծառայության այն զինծառայողներին, որոնք մինչև զորակոչվելը կամ ծառայությունից արձակվելուց հետո չեն աշխատել, հաշմանդամության կենսաթոշակ, իսկ նրանց ընտանիքների անդամներին` կերակրողին կորցնելու դեպքում սոցիալական կենսաթոշակ նշանակվում է սույն օրենքով սահմանված նվազագույն չափերով (հոդվածներ 14 և 19):