ՀՀ ՕՐԵՆՔԸ «ՄԱՔՍԱՏՈՒՐՔԻ ԴՐՈՒՅՔԱՉԱՓԵՐԻ ՄԱՍԻՆ» ՀՀ ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է Ազգային ժողովի կողմից

18 դեկտեմբերի 1997 թ.

«ՄԱՔՍԱՏՈՒՐՔԻ ԴՐՈՒՅՔԱՉԱՓԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

«Մաքսատուրքի դրույքաչափերի մասին» Հայաստանի Հանրապետության օրենքի 4 հոդվածի երկրորդ մասի առաջին նախադասությունը շարադրել հետևյալ խմբագրությամբ`

«Քաղաքացիները կարող են առանց մաքսատուրք վճարելու Հայաստանի Հանրապետության մաքսային տարածք ներմուծել ապրանքներ և այլ առարկաներ` ընդհանուր արժողությամբ 500 ԱՄՆ-ի դոլարին համարժեք, այդ թվում` արտաքին տնտեսական գործունեության ապրանքային անվանացանկի 0901 ապրանքախմբում ընդգրկված ապրանքատեսակներ` ոչ ավելի, քան 1000 գրամ, 22 ապրանքախմբում ընդգրկված ապրանքատեսակներ` ոչ ավելի, քան 2 լիտր, 24 ապրանքախմբում ընդգրկված ապրանքատեսակներ` ոչ ավելի, քան 20 տուփ»:

Հայաստանի Հանրապետության

Նախագահ Լ. Տեր-Պետրոսյան

Երևան

30 դեկտեմբերի 1997 թ.

ՀՕ-170