ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԺԵԹՂԹԵՐԻ ՀԱՆՁՆԱԺՈՂՈՎ
29 հուլիսի 2003 թվականի N 280/03
ք. Երևան
Ո Ր Ո Շ ՈՒ Մ
«Սարինյան եվ Ընկ.» ՍՊԸ-ի բրոքերային գործունեության եվ հավատարմագրային կառավարման գործունեության լիցենզիայի դիմումը բավարարելու մասին
Ղեկավարվելով «Լիցենզավորման մասին» Հայաստանի Հանրապետության օրենքի 8 և 26 հոդվածով, «Արժեթղթերի շուկայի կարգավորման մասին» Հայաստանի Հանրապետության օրենքի 61 հոդվածի 1-ին, 3-րդ կետերով, 63 հոդվածի 1-ին կետով և 121 հոդվածով, Հանձնաժողովը որոշեց`
1. Բավարարել «Սարինյան և Ընկ.» ՍՊԸ-ի կողմից արժեթղթերի շուկայում բրոքերային գործունեության և հավատարմագրային կառավարման գործունեության լիցենզիաներ ստանալու համար ներկայացված լիցենզիայի դիմումը` տրամադրելով բրոքերային գործունեության ԲԳ 0046 և հավատարմագրային կառավարման գործունեության ՀԿԳ 0047 լիցենզիաները:
2. Հանձնարարել Հանձնաժողովի քարտուղարությանը սույն որոշումն ընդունելու օրվանից երեք օրվա ընթացքում որոշման պատճենն ուղարկել ՀՀ արդարադատության նախարարություն, Հայաստանի ֆոնդային բորսա ինքնակարգավորվող կազմակերպությանը, Հայաստանի կենտրոնական դեպոզիտարիա ինքնակարգավորվող կազմակերպությանը և «Սարինյան և Ընկ.» ՍՊԸ-ին:
3. Սույն որոշումն ուժի մեջ է մտնում հրապարակման պահից և կարող է բողոքարկվել դատական կարգով, ուժի մեջ մտնելու օրվանից` 30 օրվա ընթացքում:
ՀՀ արժեթղթերի
հանձնաժողովի նախագահ` Է. Մուրադյան