«Գրանցված է»
ՀՀ արդարադատության
նախարարության կողմից
18 դեկտեմբերի 2008 թ.
Պետական գրանցման թիվ 12108386
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ
ՓՈԽՎԱՐՉԱՊԵՏ
12 դեկտեմբերի 2008 թ.
ք. Երևան N 05-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ՆԱԽԱՐԱՐԻ 2006 ԹՎԱԿԱՆԻ ՕԳՈՍՏՈՍԻ 29-Ի N 11-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով՝
Հրամայում եմ`
Հայաստանի Հանրապետության տարածքային կառավարման նախարարի 2006 թվականի օգոստոսի 29-ի «Համայնքային ծառայության թափուր պաշտոն զբաղեցնելու համար մրցույթ և համայնքային ծառայողների ատեստավորում անցկացնելու համար թեստեր կազմելու կարգը հաստատելու մասին» N 11-Ն հրամանում (այսուհետ` հրաման) կատարել հետևյալ փոփոխությունները և լրացումները.
1. հրամանով հաստատված կարգի (այսուհետ` կարգ) 2-րդ կետը շարադրել հետևյալ խմբագրությամբ.
«2. Հարցաշարերը կազմում է Հայաստանի Հանրապետության տարածքային կառավարման նախարարության աշխատակազմը:».
2. կարգի 4-րդ կետի «ա», «բ» և «գ» ենթակետերում և 11-րդ կետի «ա» ենթակետում «պաշտոնի» բառերը փոխարինել «պաշտոնների» բառերով.
3. կարգի 5-րդ կետի`
1) «գ» ենթակետում «50» թիվը փոխարինել «70» թվով.
2) «դ» ենթակետն ուժը կորցրած ճանաչել.
4. կարգի 6-րդ կետը «իրենց» բառից հետո լրացնել «միանշանակ ճիշտ» բառերով.
5. կարգի 8-րդ կետում «տեղական ինքնակառավարման մարմնի» բառերը փոխարինել «համայնքի ղեկավարի» բառերով.
6. կարգի 11-րդ կետի «ա», «բ» և «գ» ենթակետերը «մրցույթի» բառերից հետո լրացնել «(ատեստավորման)» բառով:
Ա. Գևորգյան