ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀԱՅ ՃԱՐՏԱՐԱՊԵՏՈՒԹՅԱՆ ՊԵՏԱԿԱՆ ԹԱՆԳԱՐԱՆԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հունիսի 1993 թվականի N 305

քաղ. Երևան

ՀԱՅ ՃԱՐՏԱՐԱՊԵՏՈՒԹՅԱՆ ՊԵՏԱԿԱՆ ԹԱՆԳԱՐԱՆԻ ՄԱՍԻՆ

Հայ ճարտարապետության դերի ու նշանակության խնդիրների գիտական հետազոտումն ու լուսաբանումը պատշաճ մակարդակով ապահովելու նպատակով Հայաստանի Հանրապետության կառավարությունը որոշում է`

1. Հայաստանի Հանրապետության ճարտարապետության և քաղաքաշինության պետական վարչությանն առընթեր Հայ ճարտարապետության պետական թանգարանը վերանվանել Հայաստանի Հանրապետության ճարտարապետության և քաղաքաշինության պետական վարչությանն առընթեր հայ ճարտարապետության ազգային թանգարանի:

2. Հայաստանի Հանրապետության էկոնոմիկայի նախարարությանը` համապատասխան լրացումներ կատարել Հայաստանի Հանրապետության 1993 թվականի սոցիալ-տնտեսական զարգացման ծրագրում (պետպատվերում):

Հայաստանի Հանրապետության ֆինանսների նախարարությանը` թանգարանին հատկացնել 7160 հազ. ռուբլի` 1993 թվականի հանրապետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

3. Հայաստանի Հանրապետության ճարտարապետության և քաղաքաշինության պետական վարչությանը` մեկամսյա ժամկետում հաստատել Հայ ճարտարապետության ազգային թանգարանի կանոնադրությունը:

Հայաստանի Հանրապետության վարչապետ Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ Ա. ԽԱՉԱՏՐՅԱՆ