«Գրանցված է»
ՀՀ արդարադատության
նախարարության կողմից
15 օգոստոսի 2009 թ.
Պետական գրանցման թիվ 11509296
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ
21 հուլիսի 2009 թ.
ք. Երևան N 90-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐԻ 2007 ԹՎԱԿԱՆԻ ՓԵՏՐՎԱՐԻ 9-Ի N 32-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հաշվի առնելով «Երևան քաղաքում տեղական ինքնակառավարման մասին» Հայաստանի Հանրապետության օրենքի ընդունմամբ պայմանավորված Երևան քաղաքի իրավական կարգավիճակի փոփոխությունը և ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի, 2-րդ մասի 3-րդ կետի, 3-րդ մասի, 5-րդ մասի 1-ին պարբերության և 6-րդ մասի 1-ին պարբերության պահանջներով`
ՀՐԱՄԱՅՈՒՄ ԵՄ`
1. Հայաստանի Հանրապետության աշխատանքի և սոցիալական հարցերի նախարարի 2007 թվականի փետրվարի 9-ի «Սոցիալական ծառայություններ տրամադրող տարածքային մարմնի օրինակելի կանոնադրությունը հաստատելու մասին» N 32-Ն հրամանի 1-ին կետով հաստատված «Օրինակելի կանոնադրություն սոցիալական ծառայություններ տրամադրող տարածքային մարմնի» N 2 հավելվածի.
1) 1-ին, 8-րդ կետերում և 11-րդ կետի ը) ենթակետում «համայնքի» բառից հետո լրացնել «, իսկ Երևանում` վարչական շրջանի» բառերը.
2) 2-րդ կետում «ղեկավարը» բառից հետո լրացնել «, իսկ Երևանում` Երևանի քաղաքապետը» բառերը.
3) 10-րդ կետում «ղեկավարին» բառից հետո լրացնել «, իսկ Երևանում ___ վարչական շրջանի ղեկավարին և Երևանի քաղաքապետին» բառերը.
4) 11-րդ կետի բ) ենթակետում «ղեկավարին» բառից հետո լրացնել «, իսկ Երևանում` Երևանի քաղաքապետին» բառերը.
5) 11-րդ կետի գ) և ժ) ենթակետերում «ղեկավարին» բառից հետո լրացնել «, իսկ Երևանում` վարչական շրջանի ղեկավարի միջոցով Երևանի քաղաքապետին» բառերը.
6) 11-րդ կետի թ) ենթակետը շարադրել հետևյալ խմբագրությամբ.
«թ) ապահովում է համայնքի ղեկավարի, իսկ Երևանում` Երևանի քաղաքապետի, ինչպես նաև վարչական շրջանի ղեկավարի որոշումների, կարգադրությունների, ցուցումների, հանձնարարականների և առաջադրանքների կատարումը և արդյունքների մասին տեղեկացնում համայնքի ղեկավարին, իսկ Երևանում` Երևանի քաղաքապետին, ինչպես նաև վարչական շրջանի ղեկավարին:»:
2. Սույն հրամանն ուժի մեջ է մտնում պաշտոնական հրապարակման օրվան հաջորդող 10-րդ օրը:
Գ. Պետրոսյան