Հոդված 18

Հոդված 18.

Վերաքննիչ դատարանների հասկացությունը, դրանց կազմը և տեղաբաշխումը

Վերաքննիչ դատարանը վերաքննիչ բողոքի հիման վրա առաջին ատյանի դատարանի քննած գործերը կրկին անգամ ըստ էության քննող դատարանն է:

Վերաքննիչ դատարանը կաշկանդված չէ վերաքննիչ բողոքների փաստարկներով և կարող է գործը քննել լրիվ ծավալով:

Վերաքննիչ դատարանի վճիռները և որոշումներն օրինական ուժի մեջ են մտնում հրապարակման պահից: Քրեական և զինվորական գործերով վերաքննիչ դատարանի դատավճիռները և գործն ըստ էության լուծող մյուս վերջնական որոշումներն օրինական ուժի մեջ են մտնում վճռաբեկ բողոք բերելու համար սահմանված ժամկետն անցնելուց հետո, եթե նման բողոքներ քրեական դատավարության օրենսգրքով սահմանված կարգով չեն բերվել:

Հայաստանի Հանրապետությունում գործում է երեք վերաքննիչ դատարան`

1) քաղաքացիական գործերով վերաքննիչ դատարանը` դատարանի նախագահի և 9 դատավորի կազմով.

2) տնտեսական գործերով վերաքննիչ դատարանը` դատարանի նախագահի և 6 դատավորի կազմով.

3) քրեական և զինվորական գործերով վերաքննիչ դատարանը` դատարանի նախագահի և 12 դատավորի կազմով:

Վերաքննիչ դատարանի դատական տարածքը Հայաստանի Հանրապետության տարածքն է:

Վերաքննիչ դատարանների նստավայրը Երևան քաղաքն է: