«Վավերացնում եմ»
Հայաստանի Հանրապետության
Նախագահ Ռ. Քոչարյան
15 նոյեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
15 նոյեմբերի 2000 թվականի N 738
«ՀԱՆՐԱԿԱՑԱՐԱՆՆԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Ստեղծել «Հանրակացարաններ» փակ բաժնետիրական ընկերություն` կանոնադրական կապիտալի չափը սահմանելով 146533,4 հազ. դրամ:
2. «Հանրակացարաններ» փակ բաժնետիրական ընկերության գույքի կազմում ընդգրկել Հայաստանի Հանրապետության կառավարությանն առընթեր միգրացիայի և փախստականների վարչության տնօրինության 7 շենք` 36,257 հազ. քառ. մետր ընդհանուր մակերեսով` 146533,4 հազ. դրամ արժեքով:
3. «Հանրակացարաններ» փակ բաժնետիրական ընկերության բաժնետոմսերի տնօրինման, ինչպես նաև «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով սահմանված լիազորությունները վերապահել Հայաստանի Հանրապետության տարածքային կառավարման նախարարության կառավարման ոլորտում գործող «Միգրացիոն պետական ծառայություն» պետական մարմնին:
(3-րդ կետը փոփ. 29.12.05 N 2327-Ն, 17.12.09 N 1472-Ն)
4. Սույն որոշումն ուժի մեջ է մտնում 2000 թվականի նոյեմբերի 15-ից:
Հայաստանի Հանրապետության
վարչապետ Ա. Մարգարյան